മലയാളികള്‍ക്ക് സുപരിചിതയായ താരമായ നടി അനസൂയ ഭരദ്വാജ് വാർത്തയിൽ ഇടം നേടുകയാണ്. നേരത്തെ മമ്മൂട്ടിയുടെ സൂപ്പര്‍ഹിറ്റ് സിനിമയായി മാറിയ ഭീഷ്മപര്‍വ്വത്തില്‍ അനസൂയ അഭിനയിച്ചിരുന്നു. പക്കാ കൊമേര്‍ഷ്യലാണ് അനസൂയയുടെ അവസാനം ഇറങ്ങിയ സിനിമ. അനസൂയയുടെ ഒരു ട്വീറ്റ് ഏറെ വിവാദങ്ങള്‍ക്ക് തിരികൊളുത്തിയിരിക്കുകയാണ്.

അര്‍ജുന്‍ റെഡ്ഢിയുടെ റിലീസ് സമയത്ത് വിജയ് ദേവരകൊണ്ട് ഉപയോഗിച്ച ഒരു വാക്ക് അനസൂയ വീണ്ടും ഓര്‍ത്തെടുത്തു. അഞ്ച് വര്‍ഷങ്ങള്‍ക്ക് ഇപ്പുറം വിജയുടെ ലിഗര്‍ ഇറങ്ങി വന്‍ നെഗറ്റീവ് റിവ്യൂ വന്നതോടെയാണ് വീണ്ടും പ്രതികരണവുമായി രംഗത്ത് വന്നത്.

തെലുങ്കിലായിരുന്നു അനസൂയയുടെ ട്വീറ്റ്. "കര്‍മ്മം ഒരു ബൂമറാംഗ് ആണ്, വൈകിയാലും അത് തിരികെ വരും. അമ്മയുടെ വേദന മാറില്ല!!", അനസൂയ 'ഒരാളുടെ ദുഃഖത്തില്‍ സന്തോഷിക്കുന്നില്ല, പക്ഷേ വിശ്വാസം പുനസ്ഥാപിക്കപ്പെട്ടു..' എന്ന ഹാഷ് ടാഗിനോടൊപ്പം കുറിച്ചു. ഇതിനെതിരെ വിജയ് ദേവരകൊണ്ടയുടെ ആരാധകര്‍ രംഗത്ത് വന്നിരിക്കുകയാണ്. താരത്തിനെ ആന്റി എന്ന് വിളിച്ച്‌ അവര്‍ പരിഹസിച്ചു. ഇതിനെതിരെയും അനസൂയ ട്വീറ്റ് ചെയ്തിട്ടുണ്ട്.

"ആന്റി എന്ന് വിളിച്ച്‌ എന്നെ നാണം കെടുത്തുന്ന ശ്രമിക്കുന്നു.ഇതിലേക്ക് എന്റെ കുടുംബത്തെ കൂടി വലിച്ചിഴക്കുന്നു.. അവര്‍ക്ക് എതിരെ ഞാന്‍ കേസ് കൊടുക്കും. ഒരുപാട് ദുഖിക്കേണ്ടി വരും പിന്നീട്.. ഇതെന്റെ അവസാനത്തെ മുന്നറിയിപ്പ് ആണ്..", അനസൂയ ട്വീറ്റ് ചെയ്തു. എങ്കില്‍ സംഭവം ഇത് കൊണ്ടും അവസാനിക്കുന്നില്ല. 'ആന്റി' എന്ന ഹാഷ്ടാഗ് ദേവരകൊണ്ടയുടെ ആരാധകര്‍ ട്വിറ്ററില്‍ ട്രെന്‍ഡിങ് ആക്കിയിരിക്കുകയാണ്. ലിഗര്‍ ട്രോളുകളില്‍ നിന്ന് അനസൂയയുടെ ആന്റി ട്രോളുകളാണ് സോഷ്യല്‍ മീഡിയയില്‍ സ്ഥാനം പിടിച്ചിരിക്കുന്നത്.