അമല എന്ന സീരിയലിലൂടെയാണ് വരദയ്ക്ക് കരിയര്‍ ബ്രേക്ക് ലഭിച്ചത്. ഈ സീരിയലില്‍ വില്ലനായി അഭിനയിച്ചത് ജിഷിന്‍ മോഹനാണ്. വില്ലനും നായികയും സ്‌ക്രീനില്‍ അടിപിടിയാണെങ്കിലും, യഥാര്‍ത്ഥ ജീവിതത്തില്‍ പ്രണയ ജോഡികളായി. 2014 ല്‍ ആണ് ഇരുവരുടെയും പ്രണയ വിവാഹം നടന്നത്. ഒരേ ഒരു മകനാണ് ഇരുവര്‍ക്കും ഉള്ളത്. ജിഷിന് ഒപ്പമുള്ള ഫോട്ടോകളും വീഡിയോകളും പങ്കുവച്ചില്ല എങ്കിലും, മകനൊപ്പമുള്ള ഫോട്ടോകളും വീഡിയോകളും വരദ നിരന്തരം സോഷ്യല്‍ മീഡിയയില്‍ പങ്കുവയ്ക്കാറുണ്ട്. എന്നാൽ അടുത്തിടെയായി വരദയും ജിഷിന്‍ മോഹനും വിവാഹ മോചിതരായി എന്ന വാര്‍ത്തയാണ് പ്രചരിക്കുന്നത്. വരദയുടെ യൂട്യൂബ് വീഡിയോകളില്‍ ജിഷിനെ കാണാത്തതും ജിഷിനെക്കുറിച്ചുള്ള ചോദ്യങ്ങള്‍ക്ക് മറുപടി നല്‍കാത്തതുമൊക്കെയാണ് ചര്‍ച്ചകളുടെ ഉറവിടം. ഇതിനിടെ ഇപ്പോഴിതാ നടി അനു ജോസഫിന് വരദന നല്‍കിയ അഭിമുഖം ശ്രദ്ധ നേടുകയാണ്. മകനൊപ്പമാണ് വരദ അനുവിന്റെ ചാനലിലെത്തിയത്. സോഷ്യല്‍ മീഡിയയിലെ തന്നെക്കുറിച്ചുള്ള വാര്‍ത്തകളോടും വരദ പ്രതികരിക്കുകയാണ്. സോഷ്യല്‍മീഡിയ എടുത്ത് കഴിഞ്ഞാല്‍ വരദ അത് പറഞ്ഞു, ഇത് പറഞ്ഞു എന്നൊക്കെയാണ് കാണുന്നത്, ആക്ച്വലി അതേക്കുറിച്ച് വരദയ്ക്ക് എന്താണ് പറയാനുള്ളതെന്ന് അനു ജോസഫ് ചോദിക്കുകയായിരുന്നു.

എന്നാല്‍ എനിക്കൊന്നും പറയാനില്ല എന്നായിരുന്നു വരദയുടെ മറുപടി. കഴിഞ്ഞ കുറേ ദിവസങ്ങളായി ഞാനും ഇത് കാണുന്നുണ്ട്. ഞാനൊന്നും പറഞ്ഞിട്ടില്ല. എന്റെ ഗര്‍ഭം ഇങ്ങനല്ലെന്ന് പറയുന്ന വരദ ഇപ്പോള്‍ ചേച്ചിയുടെ അടുത്താണെങ്കിലും എനിക്കൊന്നും പറയാനില്ലെന്നാണ് പറയുന്നത്. ഒരാളുടെ പേഴ്സണല്‍ ലൈഫിലേക്ക് ഒളിഞ്ഞ് നോക്കുന്നതേ തെറ്റ്, ഒളിഞ്ഞ് നോക്കിയിട്ട് അറിയാന്‍ വയ്യാത്തത് എഴുതുന്നത് അതിലും വലിയ തെറ്റ് എന്നും താരം പറയുന്നു. ശരിയോ തെറ്റോ ആയിക്കോട്ടെ അത് ഓരോരുത്തരുടെ പേഴ്സണല്‍ കാര്യമാണെന്നും താരം ഓര്‍മ്മിപ്പിക്കുന്നുണ്ട്. അതേക്കുറിച്ച് ഒരു പബ്ലിക് പ്ലാറ്റ്ഫോമില്‍ നമ്മളെക്കുറിച്ച് ഉള്ളതോ ഇല്ലാത്തതോ എഴുതാന്‍ വേറൊരാള്‍ക്കും സ്വാതന്ത്ര്യമില്ലെന്നും താരം അഭിപ്രായപ്പെടുന്നു. അതേസമയം, എന്റെ ലൈഫ് ഞാന്‍ ജീവിക്കട്ടെ എന്ന് പറയുകയാണ് വരദ.