തെന്നിന്ത്യന്‍ സിനിമ ലോകത്ത് വലിയ ആരാധക സമ്പത്തുള്ള നായികയാണ് സമാന്ത റൂത്ത് പ്രഭു. ഇപ്പോള്‍ ആരാധക സമ്പത്ത് മാത്രമല്ല തെന്നിന്ത്യയിലെ ഏറ്റവും കൂടുതല്‍ പ്രതിഫലം വാങ്ങുന്ന നായികമാരുടെ പട്ടികയിലേക്ക് ഉയര്‍ന്നിരിക്കുകയാണ് താരം. ഇപ്പോള്‍ നയന്‍താരക്കു തൊട്ടു പിന്നില്‍ രണ്ടാം സ്ഥനത്താണ് സമാന്ത. എന്നാലിപ്പോഴിതാ സോഷ്യൽ മീഡിയയിലും സജീവ സാന്നിധ്യമായിരുന്ന സമാന്തയെ അങ്ങനെയൊന്നും കാണാറുമില്ല. നിരന്തരം പോസ്റ്റുകകളും സ്റ്റോറികളും ഇട്ടിരുന്ന സമാന്തയെ അപൂർവമായി മാത്രമേ ഇപ്പോൾ ഇൻസ്റ്റ​ഗ്രാമിൽ കാണാറുള്ളൂ. ഇതിന് കാരണമെന്താണെന്ന ചോദ്യം നാളുകളായി സോഷ്യൽ മീഡിയയിൽ ഉയരുന്നുണ്ട്. വിവാഹ മോചനത്തിന്റെ സമയത്ത് പോലും സമൂഹ മാധ്യമങ്ങളിൽ സജീവമായിരുന്നു സമാന്ത. വിവാഹ മോചനത്തിന് പിന്നാലെ നടിക്കെതിരെ നിരന്തര വിമർശനങ്ങൾ വന്നപ്പോഴും സോഷ്യൽ മീഡിയയിൽ നിന്ന് സമാന്ത മാറി നിന്നിരുന്നില്ല. ആ സമാന്തയ്ക്ക് ഇപ്പോൾ എന്താണ് പറ്റിയതെന്നായിരുന്നു ആരാധകരുടെ ചോദ്യം. നടി മാനസികമായി ആകെ തകർന്നിരിക്കുകയാണെന്ന് വരെ റിപ്പോർട്ടുകൾ ഉണ്ടായിരുന്നു. ഇപ്പോൾ സമാന്തയുടെ സോഷ്യൽ മീഡിയ അഭാവത്തെ പറ്റി പ്രതികരിച്ചിരിക്കുകയാണ് നടിയുമായി ബന്ധപ്പെട്ട അടുത്ത വൃത്തങ്ങൾ.

സോഷ്യൽ മീഡിയയുടെ ഉപയോ​ഗം കുറച്ചു നാളത്തേക്ക് കുറയ്ക്കാനാണ് നടിയുടെ തീരുമാനമെന്നാണ് ഇവർ പിങ്ക് വില്ലയോട് പ്രതികരിച്ചിരിക്കുന്നത്. സമാന്ത സോഷ്യൽ മീഡിയ ഡിറ്റോക്സിലാണ്. സിതാഡെൽ എന്ന സിനിമയിൽ അഭിനയിക്കാൻ തയ്യാറെടുക്കുകയുമാണ്. ഇതിന്റെ ഭാ​ഗമായി ആയോധന കലയിൽ പരിശീലനം നേടുകയാണ് സമാന്ത എന്നാണ് നടിയുടെ അടുത്ത വൃത്തങ്ങൾ പ്രതികരിച്ചിരിക്കുന്നത്. വരുൺ ധവനാണ് സിതാഡെലിൽ സമാന്തയ്ക്കൊപ്പം അഭിനയിക്കുന്നത്. തെലുങ്കിൽ ഖുശി, യശോദ, ശാകുന്തളം എന്നിവയാണ് സമാന്തയുടെ പുറത്തിറങ്ങാനുള്ള സിനിമകൾ.