ബി​ഗ് ബോസ് മലയാളം സീസൺ ഫോറിലൂടെ ജീവിതം തന്നെ മാറി മറിഞ്ഞ മത്സരാർഥിയാണ് റോബിൻ രാധാകൃഷ്ണൻ. എഴുപത് ദിവസം മാത്രമെ ഹൗസിൽ നിൽക്കാൻ സാധിച്ചുള്ളൂവെങ്കിലും ഒരു പൂരത്തിനുള്ള ആരാധകരെ ആ കുറഞ്ഞ ദിവസത്തിനുള്ളിൽ‍ റോബിൻ സാമ്പദിച്ചു. ബി​ഗ് ബോസ് സീസൺ ഫോർ അവസാനിച്ചിട്ട് ​മാസങ്ങൾ പിന്നിട്ടിട്ടും റോബിനുള്ള ആരാധകരുടെ കാര്യത്തിൽ‍ കുറവ് വന്നിട്ടില്ല. മാത്രമല്ല എവിടെ റോബിൻ ചെന്നിറങ്ങിയാലും നൂറുകണക്കിന് ആരാധകരാണ് താരത്തെ ഒന്ന് കാണാനും ഒപ്പം നിന്ന് സെൽഫിയെടുക്കാനും സന്തോഷം പങ്കിടാനുമായി എത്തുന്നത്. അടുത്തിടെയാണ് താൻ പ്രണയത്തിലാണെന്നും ഉടൻ വിവാഹിതനാകുമെന്നും റോബിൻ ആരാധകരെ അറിയിച്ചത്. നടി, മോ‍ഡൽ, സംരംഭക എന്നീ നിലകളിൽ തിളങ്ങുന്ന ആരതി പൊടിയാണ് റോബിന്റെ വധു. ബി​ഗ് ബോസിന് ശേഷം റോബിനെ അഭിമുഖം ചെയ്യാൻ വന്നതാണ് ആരതി. എന്നാൽ ചോദ്യങ്ങളൊന്നും ചോദിക്കാതെ റോബിനെ നോക്കി ഇരിക്കുകയായിരുന്നു. ഇതിനെ തുടർന്ന് സോഷ്യൽ മീഡിയയിൽ നിരവധി ട്രോളുകളും ആരതി ഏറ്റുവാങ്ങേണ്ടി വന്നു. പിന്നീട് റോബിൻ്റെ ആരാധകർ ഇവരുടെ കോംബോ ഏറ്റെടുക്കുകയായിരുന്നു. റോമാൻ്റിക്ക് റീൽസിലൂടെയും മറ്റും ആരാധകർക്ക് മുന്നിൽ പ്രത്യക്ഷപ്പെടാറുമുണ്ട്.

ഇരുവരും ഒന്നിച്ചെത്തുന്ന വീഡിയോ വലിയ രീതിയിൽ ആരാധകർ ഏറ്റെടുക്കാറുമുണ്ട്. ഇപ്പോഴിതാ ആരതിയോട് റോബിൻ ചോദ്യം ചോദിക്കുന്ന ഒരു വീഡിയോ ആണ് സോഷ്യൽ മീഡിയയിൽ ശ്രദ്ധ നേടുന്നത്. റോബിൻ്റെ ചോദ്യം ഇങ്ങനെയായിരുന്നു. അപ്പോ പൊടീ ഞാൻ ഒരു മൂന്ന് ചോദ്യം ചോദിക്കാം അതിനുത്തരം പറയണം. ശരിയെന്ന് ആരതി മറുപടിയും നൽകി. ആദ്യത്തെ ചോദ്യം എൻ്റെ ഇഷ്ടപ്പെട്ട നിറം ഏതാണ്? ബ്ലാക്ക് എന്ന് ആരതി ഉത്തരം പറഞ്ഞു. രണ്ടാമത് തനിക്കിഷ്ടപ്പെട്ട സിനിമ ഏതാണെന്നാണ് റോബിൻ ചോദിച്ചത്. അതിന് ഉത്തരം പറയാൻ ആരതിക്ക് കഴിഞ്ഞില്ല. ഉത്തരം റോബിൻ തന്നെ പറയുന്നുണ്ടായിരുന്നു.കെജിഎഫ് സിനിമയാണ് തനിക്ക് ഏറ്റവും ഇഷ്ടപ്പെട്ടതും തന്നെ മോട്ടിവേറ്റ് ചെയ്യപ്പെട്ട സിനിമയും റോബിൻ പറഞ്ഞു. മൂന്നമത്തെ ചോദ്യം ചോദിക്കട്ടെയെന്ന് റോബിൻ ചോദിച്ചെങ്കിലും പിന്നീട് ഇരുവരുടെ ചിരിയാണ് വീഡിയോയിൽ കണ്ടത്. റോബിൻ ആരതി ഫാൻസ് നിരവധി സോഷ്യൽമീഡിയയിലുണ്ട്. പുതിയ വീഡിയോയും വൈറലായതോടെ നിരവധി ആരാധകരാണ് കമന്റുകളുമായി എത്തിയത്. ഇന്നത്തേക്കുള്ള കണ്ടന്റായി, മേഡ് ഫോർ ഈച്ച് അതർ, രണ്ടാളും ക്യൂട്ടാണ്, വിവാഹം നിശ്ചയം എന്നാണ്, വിവാഹം എന്നാണ് തുടങ്ങിയ കമന്റുകളാണ് റോബിൻ-ആരതി ജോഡിയുടെ പുതിയ വീഡിയോയ്ക്ക് ലഭിക്കുന്നത്.