പ്രമുഖ ബോളിവുഡ് താരമായ രൺവീർ സിംഗിനെ കണ്ട ആകാംക്ഷയിൽ സെൽഫി പകർത്താനായി വലിയൊരു ‌ജനാവലി തന്നെ നൊടിയിടയിൽ രൂപപ്പെട്ടു. തിരക്ക് നിയന്ത്രിക്കാനായി ശ്രമിക്കുന്നതിനിടയിൽ ബോഡിഗാർഡിന്റെ കൈ രൺവീറിന്റെ കവിളിൽ പതിക്കുകയായിരുന്നു. അടിയേറ്റ ശേഷവും ശാന്തനായി തുടർന്ന രൺവീറിന്റെ വീഡിയോ ദൃശ്യം വൈറലായി പ്രചരിച്ചു. ശനിയാഴ്ത നടന്ന സൈമ അവാർഡ്സിൽ സൗത്ത് ഇന്ത്യയിലെ ഏറ്റവും ജനപ്രിയനായ ഹിന്ദി സിനിമാ താരമായി രൺവീർ സിംഗിനെ തിരഞ്ഞെടുത്തിരുന്നു. മുഖത്ത് അടിയേറ്റിട്ടിട്ടും അത് ശരി വെയ്ക്കുന്ന തരത്തിലായിരുന്നു താരം പ്രതികരിച്ചത്. സൈമ അവാർഡുമായുള്ള ചിത്രവും തെന്നിന്ത്യൻ താരങ്ങളായ കമൽ ഹസനും യാഷിനും അല്ലു അർജുനുമൊപ്പമുള്ള ചിത്രങ്ങളും രൺവീർ സേഷ്യൽ മീഡിയ അക്കൗണ്ടുകൾ വഴി പങ്കുവെച്ചിരുന്നു.