സംസ്ഥാനത്ത് തെരുവ് നായകളുടെ ആക്രമണം രൂക്ഷമായി തുടരുന്ന സാഹചര്യത്തിൽ ഫെയ്സ് ബുക്കിൽ നടൻ വിനായകൻ പങ്കുവച്ച പോസ്റ്റ് ശ്രദ്ധനേടുന്നു. തന്റെ പിറ്റ്ബുള്ളിനൊപ്പമുള്ള ചിത്രമാണ് താരം പങ്കുവച്ചിരിക്കുന്നത്. എപ്പോഴത്തെയും പോലെ ക്യാപ്ഷൻ ഒന്നും തന്നെ വിനായകൻ പോസ്റ്റിന് നൽകിയിട്ടില്ല. പോസ്റ്റ് പങ്കുവച്ച് നിമിഷങ്ങൾക്കുള്ളിൽ തന്നെ ചിത്രം സമൂഹമാധ്യമങ്ങളിൽ ശ്രദ്ധനേടി കഴിഞ്ഞു.

"പട്ടികളെ തുറന്നു വിടാതെ തുടൽ ഇട്ട് പൂട്ടിയിടുക എന്നാണ് അണ്ണൻ ഉദ്ദേശിക്കുന്നത്, ഇതിൽ ഒരു മെസ്സേജ് ഉണ്ട്. അത് ആരും കാണുന്നില്ല, കട്ട കലിപ്പ്, പട്ടികൾ തെരുവിൽ അലഞ്ഞു തിരിയേണ്ടവർ അല്ല സ്നേഹമുള്ള ജീവിയാണ്. പട്ടി സ്നേഹികൾ വിനായകനെ പോലെ അവയെ അന്തസായി വീട്ടിൽ വളർത്തുക, ഈ ലോകം മറ്റ് ജീവജാലങ്ങളുടെ കൂടെയാണെന്ന തിരിച്ചറിവ് ഉണ്ടാകണം", എന്നിങ്ങനെ തുടങ്ങി നിരവധി കമന്റുകളാണ് പോസ്റ്റിന് താഴെ വരുന്നത്.