ബോളിവുഡ് താരം സുസ്മിത പല സിനിമകളിലും നായിക ആയെങ്കിലും ഫാഷന്‍ രംഗത്തായിരുന്നു താരം കൂടുതല്‍ സജീവമായത്. കരിയറിലെ പോലെ തന്നെ സുസ്മിത ജീവിതത്തിലും വ്യത്യസ്തയായി. 24ാം വയസ്സില്‍ കരിയറിലെ തിരക്കേറിയ സമയത്ത് നില്‍ക്കവെയാണ് സുസ്മിത ദത്തെടുക്കലിലൂടെ ഒരു കുഞ്ഞിന്റെ അമ്മയാവുന്നത്.

റെനി എന്ന പെണ്‍കുഞ്ഞിനെയായിരുന്നു സുസ്മിത ദത്തെടുത്തത്. അവിവാഹിതയായും ചെറുപ്പവുമായിരുന്നതിനാല്‍ ഏറെനാള്‍ നീണ്ട നിയമ പോരാട്ടത്തിനാെടുവിലാണ് സുസ്മിതയ്ക്ക് ദത്ത് അനുവദിച്ചത്. പിന്നീട് കുറച്ചു വര്‍ഷങ്ങള്‍ക്കുള്ളില്‍ തന്നെ സുസ്മിത രണ്ടാമതൊരു കുഞ്ഞിനെയും ദത്തെടുത്തു. അലീഷ എന്നാണ് രണ്ടാമത്തെ പെണ്‍കുഞ്ഞിന് സുസ്മിത നല്‍കിയ പേര്.

രണ്ട് പേരും ഇപ്പോള്‍ സുസ്മിതയോടാെപ്പം കഴിയുന്നു. 23 കാരിയായ മൂത്ത മകള്‍ റെനി സിനിമാ രംഗത്തേക്ക് പ്രവേശിക്കാനാണ് താല്‍പര്യപ്പെടുന്നത്. ഇളയ മകള്‍ സ്‌കൂള്‍ വിദ്യാര്‍ത്ഥിയാണ്. മക്കള്‍ക്കൊപ്പമുള്ള ചിത്രങ്ങള്‍ സുസ്മിത സമൂഹ മാധ്യമങ്ങളില്‍ പങ്കുവെക്കാറുമുണ്ട്. മക്കളെക്കുറിച്ച് സുസ്മിത അഭിമുഖങ്ങളില്‍ വാചാലവാറും ഉണ്ട്.

ജന്‍മം നല്‍കിയ അമ്മയെ നേരിട്ട് കാണാന്‍ സഹായിക്കാമെന്ന് മകളോട് 18 വയസ്സ് പൂര്‍ത്തിയായപ്പോള്‍ പറഞ്ഞെന്നും എന്നാല്‍ റെനിക്ക് അതിന് താല്‍പര്യം ഇല്ലായിരുന്നെന്നും സുസ്മിത മുമ്‌ബൊരിക്കല്‍ അഭിമുഖത്തില്‍ വ്യക്തമാക്കിയിരുന്നു. മക്കള്‍ രണ്ട് പേരും തന്റെ ജീവിതത്തിലെ പ്രധാന ഘടകമാണെന്നും അവര്‍ മുതിര്‍ന്നെങ്കിലും തന്റെ സാമീപ്യം അവര്‍ക്ക് ആവശ്യമാണെന്നും സുസ്മിത വ്യക്തമാക്കി.

മുമ്പൊരിക്കല്‍ ദത്ത് മകളെന്ന ചുവയില്‍ സോഷ്യല്‍ മീഡിയയില്‍ വന്ന ഒരു ചോദ്യത്തിന് സുസ്മിതയുടെ മൂത്ത മകള്‍ റെനി വ്യക്തമായ മറുപടി നല്‍കിയിരുന്നു. നിങ്ങള്‍ക്ക് സ്വന്തം അമ്മ ആരാണെന്ന് അറിയാമോ എന്നായിരുന്നു റെനിയോട് ഇന്‍സ്റ്റഗ്രാം ചോദ്യോത്തര സെഷനില്‍ ഒരാള്‍ ചോദിച്ചത്. ഞാനെന്റെ അമ്മയുടെ ഹൃദയത്തിലൂടെയാണ് ജനിച്ചതെന്നാണ് സുസ്മിത സെന്നിനെ സൂചിപ്പിച്ച് കൊണ്ട് റെനി നല്‍കിയ മറുപടി.