ഗൗതം വാസുദേവ് മനോന്റെ സംവിധാനത്തില്‍ പ്രദര്‍ശനത്തിന് എത്തിയ ചിത്രമാണ് 'വെന്തു തനിന്തതു കാട്'. ചിമ്പു നായകനായെത്തിയ ചിത്രത്തിന് മികച്ച പ്രേക്ഷക പ്രതികരണമാണ് ലഭിക്കുന്നത്. റിപ്പോർട്ടുകൾ പ്രകാരം ചിത്രം ഇന്ത്യയിൽ നിന്ന് ആദ്യ ദിനം 7 കോടിയിലധികം കളക്ഷൻ നേടി. സെപ്തംബർ 15ന് തിയേറ്ററുകളിലെത്തിയ 'വെന്തു തനിന്തതു കാട്' ചിമ്പുവും ഗൗതം മേനോനും ഒന്നിക്കുന്ന മൂന്നാമത്തെ ചിത്രമാണ്. ചിത്രത്തില്‍ സിദ്ധി ഇദ്നാനി ആണ് നായിക. ഒരു അഭിമുഖത്തില്‍ സിദ്ധി പറഞ്ഞ വാക്കുകളാണ് ഇപ്പോള്‍ ശ്രദ്ധ നേടുന്നത്. ”ചിമ്പുവും ഞാനും സ്‌കൂള്‍ കാലം മുതലേ ഇഷ്ടത്തിലായിരിക്കും. രജനികാന്ത് എന്റെ പിതാവ് ആയിരിക്കും. നടന്‍ ഉദയനിധി സ്റ്റാലിന്‍ ചിമ്പുവിന്റെ സഹോദരനും.” ”അവസാനം ഉദയനിധി സ്റ്റാലിനും രജിനിയും കൂടി ഞങ്ങളുടെ വിവാഹം നടത്തിത്തരും” എന്നാണ് നടി പറഞ്ഞിരിക്കുന്നത്. ചിമ്പു വിവാഹം കഴിക്കാതിരിക്കുന്നത് തമിഴകത്ത് ചര്‍ച്ച ആയിരിക്കെയാണ് നടിയുടെ വാക്കുകള്‍ എന്നതിനാല്‍ തമാശയോടെയുള്ള സിദ്ധിയുടെ മറുപടി ഇതിനകം സോഷ്യല്‍ മീഡിയയില്‍ ചര്‍ച്ചയായിട്ടുണ്ട്. 39 വയസ്സായ ചിമ്പു ഇതുവരെ വിവാഹം കഴിച്ചിട്ടില്ല. നേരത്തെ പല തവണ നടന്‍ വിവാഹിതാവുന്നെന്ന അഭ്യൂഹങ്ങള്‍ വന്നെങ്കിലും ഇതെല്ലാം വ്യാജമായിരുന്നു. വിവാഹം കഴിക്കാന്‍ തനിക്ക് പേടിയാണ് എന്നായിരുന്നു അടുത്തിടെ ഒരു അഭിമുഖത്തില്‍ ചിമ്പു പറഞ്ഞത്.