സിനിമയിൽ ഇപ്പോൾ ഇല്ലെങ്കിലും സോഷ്യൽ മീഡിയയിൽ വളരെ സജീവമാണ് മംമ്തമോഹൻദാസ്. താരം പങ്കുവെയ്ക്കുന്ന ചിത്രങ്ങളും വീഡിയോയും ഏറെ ശ്രദ്ധനേടാറുണ്ട്. കുടുംബത്തോടൊപ്പം അമേരിക്കയിലെ ലോസ് അഞ്ചൽസിലാണ് മംമ്തയുടെ താമസം. കഴിഞ്ഞ രണ്ടു മൂന്ന് ദിവസങ്ങളായി മംമ്‌തയുടെ ഒരു വീഡിയോ സോഷ്യൽ മീഡിയയിൽ വൈറലാവുകയാണ്. ഇൻസ്റ്റാഗ്രാമിൽ പങ്കുവച്ച വീഡിയോ ആണ് ശ്രദ്ധിക്കപ്പെടുന്നത്. തന്റെ വീട്ടിലേക്ക് ഒരു അതിഥി വന്നതായി വളരെ ആകാംഷയോടെ പറയുന്ന മംമ്തയാണ് വീഡിയോയിൽ ഉള്ളത്. താൻ വളരെ എക്സൈറ്റഡ് ആണെന്ന് താരം പറയുന്നുണ്ട്. അതിഥി ആരാണ് എന്ന് നിങ്ങൾക്ക് ഊഹിക്കാൻ പോലും പറ്റില്ല എന്നാണ് മംമ്ത പറയുന്നത്. എന്നാൽ ആരാണതെന്ന് നടി വെളിപ്പെടുത്തിയിരുന്നില്ല. തങ്ങൾ ഹാപ്പിയാണെന്നും സേഫാണെന്നും മംമ്ത പറഞ്ഞിരുന്നു. ഇതോടെ ആരാധകരും അത് ആരാണെന്ന് അറിയാനുള്ള ആകാംക്ഷയിലായി. നിരവധി പേരാണ് ആരാണെന്ന് ചോദിച്ച് വീഡിയോക്ക് താഴെ കമന്റ് ചെയ്തിരിക്കുന്നത്. വെല്ല പട്ടിയും പൂച്ചയും ആവും എന്ന് വരെ ആരാധകരുടെ കമന്റുകളുണ്ട്. എന്നാൽ അത് ആരാണെന്ന് താൻ നാളെ വെളിപ്പെടുത്താമെന്ന് അറിയിച്ചിരിക്കുകയാണ് മംമ്‌തയിപ്പോൾ.ആളെ കണ്ടപ്പോഴുണ്ടായ സന്തോഷത്തിലും ആകാംക്ഷയിലും പെട്ടെന്ന് എടുത്ത വീഡിയോ ആണ് അതെന്ന് മംമ്ത പറഞ്ഞു. ഇതുവരെ 1.4 മില്യൺ ആളുകൾ വീഡിയോ കണ്ടിട്ടുണ്ടെന്നും നടി വെളിപ്പെടുത്തി.