നയന്സിന്റെ പുതിയ പദ്ധതികളെ കുറിച്ച് തുറന്ന് പറഞ്ഞ് വിഘ്നേശ്...
സോഷ്യല് മീഡിയയില് വളരെയധികം സജീവമായിട്ടുള്ള താര ദമ്പതികളാണ് നയന്താരയും വിഘ്നേശ് ശിവനും. കൂടുതലായും തന്റെ കുടുംബ വിശേഷങ്ങളാണ് വിഘ്നേശ് ഇന്സ്റ്റഗ്രാമിലൂടെ പങ്കുവയ്ക്കുന്നത്. നയന്താരയാകട്ടെ തന്റെ സിനിമ വിശേഷങ്ങള്ക്കും ബിസിനസ് പ്രമോഷന്സിനുമാണ് ഉപയോഗിക്കുന്നത്. നയന്സ് സ്കിന് കെയര് എന്ന പുതിയ ബ്രാന്റ് ബിസിനസ് തുടങ്ങുന്നതിന്റെ ഭാഗമായിട്ടാണ് നയന്താര ഇന്സ്റ്റാഗ്രാം ലോകത്തേക്ക് എത്തിയത്.
നയന്താര തനിച്ചല്ല, വിഘ്നേശ് ശിവനും ഡെയിസി മോര്ഗനും ഈ ബിസിനസ്സില് പങ്കാളികളായി ഉണ്ട്. അത് സംബന്ധിച്ച പങ്കുവച്ച പോസ്റ്റിലാണ് എന്തു കാര്യം ചെയ്യുമ്പോള് ഞങ്ങള്ക്ക് തന്ത്രപരമായ പദ്ധതികളുണ്ട് എന്ന് വിഘ്നേശ് ശിവന് പറഞ്ഞത്. നയന്താരയ്ക്കൊപ്പമുള്ള മനോഹരമായ ഏതാനും ചിത്രങ്ങള് പങ്കുവച്ചുകൊണ്ടാണ് വിഘ്നേശ് ശിവന്റെ പോസ്റ്റ്.
'ഞങ്ങള്ക്ക് ഒരു തന്ത്രപരമായ പദ്ധതിയുണ്ട്, അതിനെയാണ് കാര്യങ്ങള് ചെയ്യുന്നത് എന്ന് പറയുന്നത്. എന്റെ എല്ലാ തിരക്കുകളുടെയും പങ്കാളി, ജീവിത പങ്കാളി, ബിസിനസ് പങ്കാളി, ലവ് യു തങ്കമേ' എന്ന് പറഞ്ഞ് തയന്താരയെ ടാഗ് ചെയ്തുകൊണ്ടാണ് പോസ്റ്റ് തുടങ്ങുന്നത്.
''ദൈവം എന്നോട് പറഞ്ഞു, എല്ലാ അനുഗ്രഹങ്ങളും നമുക്കായി ഇനിയും തുടരുമെന്ന്. അതുകൊണ്ട് ആത്മവിശ്വാസത്തോടെ, നമ്മുടെ സ്വപ്നങ്ങള്ക്കായി നമുക്ക് ആത്മാര്ത്ഥമായി പരിശ്രമിക്കാം. ഒരു പുതിയ സ്വപ്നത്തിലേക്ക് കാലെടുത്തുവയ്ക്കുന്നു, നയന്സ് സ്കിന് കെയര് മലേഷ്യ, സിംഗപൂര്, ഇന്ത്യ എന്നിവിടങ്ങളില് സെയില് ആരംഭിച്ചു കഴിഞ്ഞു. ഈ വര്ഷം അവസാനിക്കുന്നതോടെ അന്താരാഷ്ട്ര തലത്തില് സജീവമാവും എന്നാണ് വിക്കി ഇന്സ്റ്റാഗ്രാമില് പങ്കുവച്ച കുറിപ്പില് പറയുന്നത്. ഒപ്പം ഇരുവരുടെയും മനോഹരമായ ചിത്രങ്ങളും പങ്കുവച്ചിട്ടുണ്ട്.
https://www.facebook.com/Malayalivartha
