പ്രമുഖ താരങ്ങള്‍ അഭിനയിച്ച ട്വന്റി ട്വന്റി സിനിമയുമായി ബന്ധപ്പെട്ട ചില കാര്യങ്ങള്‍ തുറന്നുപറഞ്ഞിരിക്കുകയാണ് നടന്‍ ദിലീപ്. 'മലയാള ഇന്‍ഡസ്ട്രീക്ക് അഭിമാനിക്കാവുന്ന ഒരു സിനിമയാണ് ട്വന്റി ട്വന്റി. അമ്മ എന്ന് പറയുന്ന അസോസിയേഷന്‍ ആ സിനിമ ചെയ്യാന്‍ വേണ്ടി വച്ചു. മൂന്നാല് വര്‍ഷമായിട്ടും സിനിമ നടന്നില്ല. ആ എക്‌സിക്യൂട്ടീവ് മീറ്റിംഗില്‍ ആ ഫയല്‍ ക്ലോസ് ചെയ്യുകയാണ്. ഫയല്‍ ക്ലോസ് ചെയ്യാന്‍ പോകുന്ന സമയത്ത് ഒന്ന് ട്രൈ ചെയ്യട്ടേയെന്ന് ഞാന്‍ ചോദിച്ചു.

നീ എന്താ ഉദ്ദേശിക്കുന്നതെന്ന് ഇന്നസെന്റേട്ടന്‍ ചോദിച്ചു. അപ്പോള്‍ ഞാന്‍ തിരിച്ചുചോദിച്ചു, നിങ്ങളെന്താണ് ഉദ്ദേശിക്കുന്നതെന്ന്. അമ്പത് ലക്ഷം രൂപ കിട്ടിയാല്‍ ആര്‍ക്കാണെന്ന് വച്ചാല്‍ പടം നിര്‍മിക്കാമെന്ന് ഇന്നസെന്റേട്ടന്‍ പറഞ്ഞു. ഒരു കോടി തരാമെന്ന് ഞാന്‍ പറഞ്ഞു. ശ്രമമാണ് എല്ലാവരോടും സംസാരിക്കെന്ന് ഞാന്‍ പറഞ്ഞു.

ലാലേട്ടനാണ് എന്നോട് ആദ്യം സംസാരിക്കുന്നത്. ഇത് ലാലേട്ടനും ചെയ്യാമെന്ന് ഞാന്‍ പറഞ്ഞു. മമ്മൂക്കയ്ക്കും ചെയ്യാം. നിങ്ങള്‍ തീരുമാനിച്ചിട്ട് പറഞ്ഞാല്‍ മതിയെന്ന് ഞാന്‍ പറഞ്ഞു. മോനേ നീ ചെയ്താല്‍ മതിയെന്ന് ലാലേട്ടന്‍ പറഞ്ഞു. ഞാന്‍ അപ്പോള്‍ത്തന്നെ പത്ത് ലക്ഷം രൂപയുടെ ചെക്ക് എഴുതി, ടോക്കണ്‍ എന്നുപറഞ്ഞു.

പ്രിയന്‍ സാറിനെക്കൊണ്ട് അതിലൊരു പാട്ട് ചെയ്യിക്കാമെന്ന പദ്ധതിയുണ്ടായിരുന്നു. എന്നാല്‍ ലാസ്റ്റ് ആയപ്പോള്‍ എങ്ങനെയെങ്കിലും തീര്‍ത്താല്‍ മതിയെന്നായി. ലാസ്റ്റ് എല്ലാ ഭാഷയിലെയും താരങ്ങളെ വച്ച് ഒരു പാട്ട് ചെയ്യണമെന്നുണ്ടായിരുന്നു. രജനി സാറിന്റെയും കമല്‍സാറിന്റെയടുത്തൊക്കെ പോയി സംസാരിച്ചു. എന്നാല്‍ പിന്നെ എങ്ങനെയെങ്കിലും തീര്‍ത്താല്‍ മതിയെന്നായി. എന്നാലും എനിക്ക് ഭയങ്കര വിഷമമായി. കമല്‍ സാര്‍ ഇങ്ങോട്ടുവിളിച്ച് ചെയ്യുന്നില്ലേയെന്ന് ചോദിച്ചു.'
- ദിലീപ് പറഞ്ഞു.