സംസ്ഥാന ചലച്ചിത്ര പുരസ്‌കാര പ്രഖ്യാപനത്തില്‍ വിവേചനമുണ്ടായെന്ന ആരോപണവുമായി നടന്‍ ഇന്ദ്രന്‍സ്. ശരീരത്തിന്റെ നിറവും വലിപ്പവും നോക്കിയാണ് അവാര്‍ഡുകള്‍ നല്‍കപ്പെടുന്നത്. തനിക്ക് നിറവുമില്ല വലിപ്പവുമില്ല. വീക്കിലിയുടെ കവര്‍ പേജിലും വന്നിട്ടില്ല. പുരസ്‌കാരത്തിന്റെ അവസാന റൗണ്ടുവരെ മത്സരത്തിന് ഉണ്ടായിരുന്നുവെന്ന് കേട്ടിരുന്നു. വലിയ വലിയ നടന്മാരൊക്കെ ഉള്ളതുകൊണ്ട് പുരസ്‌കാരം പ്രതീക്ഷിച്ചിരുന്നില്ല. ഇവിടുത്തെ സിസ്റ്റമനുസരിച്ച് നമുക്ക് പ്രതീക്ഷിക്കാന്‍ കഴിയില്ല. അഭിനയം നോക്കിയല്ല, ആളുടെ ശരീരം നോക്കിയാണ് അവാര്‍ഡ് നല്‍കുന്നത്. വെളുപ്പും പൊക്കവുമാണ് പ്രധാനം. നമ്മളെ മാര്‍ക്കറ്റ് ചെയ്യാന്‍ ആരുമില്ല. ജൂറിയുടെ തീരുമാനത്തെ ബഹുമാനിക്കുന്നു. കിട്ടിയവരെ അഭിനന്ദിക്കുന്നു. എനിക്ക് വ്യക്തിപരമായി കിട്ടാത്തതില്‍ വിഷമമില്ല.

തന്നെപ്പോലുള്ളവരെ രണ്ടാംകിട നടന്മാരായാണ് കാണുന്നത്. മലയാള സിനിമയില്‍ സൗന്ദര്യവും നിറവും ശരീര വലുപ്പവുമൊക്കെ നോക്കി പുരസ്‌കാരങ്ങള്‍ നല്‍കാറുണ്ട്. സലിം കുമാറിനും സുരാജിനുമൊക്കെ കേരളത്തില്‍നിന്ന് പുരസ്‌കാരങ്ങള്‍ നല്‍കിയില്ലല്ലോ. നല്‍കിയാല്‍തന്നെ കോമഡിക്കോ, രണ്ടാംനിര നടനോമറ്റോ ആയിട്ടായിരിക്കും. എന്നാല്‍ ഇന്ത്യന്‍ സിനിമയില്‍ അത്തരമൊരു വേര്‍തിരിവില്ലെന്നും ഇന്ദ്രന്‍സ് പറയുന്നു. നല്ല സിനിമകള്‍ അംഗീകരിക്കപ്പെടാതെ പോകരുത്. പുരസ്‌കാരങ്ങള്‍ ലഭിച്ചില്ലെങ്കിലും നല്ല സിനിമയുടെ ഭാഗമാകാന്‍ സാധിച്ചു എന്നുള്ളതാണ് സന്തോഷമെന്നും അദ്ദേഹം കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha