ലേലം ഇന്ത്യയിലെ ഏറ്റവും നല്ല സിനിമയാണെന്ന് നിഥിന്‍ രണ്‍ജി പണിക്കര്‍. നരസിംഹം തന്നെ സ്വാധീനിച്ച സിനിമയാണ്. മമ്മൂട്ടിയെ നായകനാക്കി പുതിയ സിനിമ ചെയ്യുന്ന നിഥിന്‍ പറഞ്ഞു. നിഥിന്റെ പിതാവായ രണ്‍ജി പണിക്കരാണ് ലേലത്തിന്റെ തിരക്കഥ എഴുതിയത്. അരപ്പട്ട കെട്ടിയ ഗ്രാമവും സംഘവുമാണ് മമ്മൂട്ടി അഭിനയിച്ചതില്‍ നിഥിന് ഇഷ്ടപ്പെട്ടത്. ഇന്‍സ്‌പെക്ടര്‍ ബെല്‍റാമാണ് നിഥിന്‍ ആദ്യമായി തിയറ്ററില്‍ പോയി കണ്ട സിനിമ. ആലപ്പഴ പങ്കജില്‍. അന്ന് മുതലേ പൊലീസ് സിനിമകള്‍ ഇഷ്ടമാണ്. അതുകൊണ്ടാണ് ആദ്യ സിനിമയില്‍ മമ്മൂട്ടിയ പൊലീസ് ആക്കിയതും.

മമ്മൂട്ടിയുടെ രൗദ്രത്തിലും കിംഗ് ആന്റ് കമ്മീഷണറിലും അസിസ്റ്റന്റ് ഡയറക്ടറായിരുന്നു നിഥിന്‍. മമ്മൂട്ടിയെ അറിയാമെങ്കിലും തിരക്കഥയുമായി എങ്ങനെ ചെല്ലുമെന്ന് ഭയന്നു. സ്‌നേഹവും ബഹുമാനവും കൂടിയിട്ടാണ്. അതുകൊണ്ട് എഴുതിയത് തിരുത്തിയും വെട്ടിയും കുറേ കാലം കൂടി അധ്വാനിച്ചു. കഥ വായിച്ച് കേള്‍പ്പിച്ച ശേഷം മമ്മൂട്ടിയുടെ നിര്‍ദ്ദേശം സ്വീകരിച്ച ശേഷം വീണ്ടും തിരുത്തി. താന്‍ ബഹുമാനിക്കുന്ന സംവിധായകരുടെയും എഴുത്തുകാരുടെയും സ്വാധീനം തന്റെ സിനിമകളില്‍ കടന്ന് വരാമെന്നും നിഥിന്‍ പറയുന്നു. 

അച്ഛന്‍ രണ്‍ജിപണിക്കര്‍ പറഞ്ഞുനിര്‍ത്തിയിടത്തു നിന്നാണ് നിഥിന്‍ തന്റെ സിനിമ തുടങ്ങുന്നതെന്ന് സിനിമയിലുള്ളവര്‍ വിശ്വസിക്കുന്നു. രൗദ്രത്തില്‍ നരേന്ദ്രന്‍ എന്ന പൊലീസുകാരനായാണ് മമ്മൂട്ടി അഭിനയിച്ചത്. നിഥിന്റെ സിനിമയില്‍ രാജന്‍ സഖറിയ എന്ന സി.ഐയുടെ വേഷമാണ് മമ്മൂട്ടിക്ക്. എന്നാല്‍ രൗദ്രത്തില്‍ നിന്ന് ഏറെ അകലം പാലിക്കുന്ന കഥാപാത്രമാണ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha