രഞ്ജിത് ഉണ്ണി ആറിന്റെ ലീല എന്ന കഥയെ ആസ്പദമാക്കി ഒരുക്കിയ ലീലയിലെ പ്രധാന സീനാണ് നായിക ഒരു ആനയ്ക്ക് മുന്നില്‍ നഗ്നയായി പുറം തിരിഞ്ഞ് നില്‍ക്കുന്നത്. കഥാനായകന്‍ കുട്ടിയപ്പന്റെ ഏറ്റവും വലിയ ആഗ്രഹങ്ങളിലൊന്നാണിത്. വയനാട്ടില്‍ വെച്ചാണ് ഈ രംഗങ്ങള്‍ ചിത്രീകരിച്ചത്. പക്ഷെ, അത് എങ്ങനെയായിരുന്നെന്ന് വെളിപ്പെടുത്താനാവില്ലെന്ന് താരം പറഞ്ഞു. ക്യാമറ നോക്കി അഭിനയിക്കുന്നതിലും പേടിയായിരുന്നു ആനയോടൊപ്പമുള്ള അഭിനയമെന്നും താരം പറഞ്ഞു. 

എല്ലാ മലയാളി പ്രേക്ഷകരും കാത്തിരിക്കുന്ന സീനാണ് ലീലയുടെ ക്‌ളൈമാക്‌സ്. വിഷ്ണു എന്ന ആനയാണ് പാര്‍വതിക്കൊപ്പം അഭിനയിച്ചത്. വലിയ കൊമ്പുള്ള ആനയ്‌ക്കൊപ്പം അഭിനയിക്കാന്‍ താരത്തിന് പേടിയായിരുന്നു. എന്നാല്‍ സംവിധായകന്‍ രഞ്ജിത്തിന്റെയും നായകന്‍ ബിജുമേനോന്റെയും സപ്പോര്‍ട്ടോടെയാണ് ആനയുമൊത്തുള്ള അഭിനയം എളുപ്പമാക്കിയത്. ഷൂട്ടിംഗിന് മുമ്പ് ആനയുമായി താരം ഒരുപാട് അടുത്തിടപഴകി. അവസാനം ആനയ്ക്കും തന്നെ ഇഷ്ടപ്പെട്ടെന്നാണ് പാര്‍വതി നമ്പ്യാര്‍ പറയുന്നത്.  

മലയാളത്തില്‍ അടുത്ത കാലത്ത് ഏറെ ചര്‍ച്ച ചെയ്യപ്പെട്ട കഥകളില്‍ ഒന്നാണ് ലീല. ബിജുമേനോന് പുറമേ ഇന്ദ്രന്‍സ്, ജഗദീഷ് എന്നിവരാണ് മററ് കഥാപാത്രങ്ങളെ അവതരിപ്പിക്കുന്നത്. അടുത്തമാസം ചിത്രം തിയറ്ററുകളിലെത്തും. ഏഴ് സുന്ദര രാത്രികള്‍ എന്ന ചിത്രത്തിലൂടെ സിനിമയിലെത്തിയ പാര്‍വതി നമ്പ്യാര്‍ നല്ല വേഷങ്ങള്‍ക്കായി കാത്തിരിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha