കെ.എല്‍ 10 എന്ന പരാജയ ചിത്രത്തില്‍ നിന്നും പൃഥ്വിരാജിന്റെ നായികയായി ഡാര്‍വിന്റെ പരിണാമത്തില്‍ എത്തുമ്പോള്‍ ചാന്ദിനിക്ക് പേടിയായിരുന്നു. പൃഥ്വിരാജിനൊപ്പം അഭിനയിക്കുക എന്നത്. പക്ഷെ പിന്നീട് എല്ലാം കംഫര്‍ട്ടിബിളായി. നമ്മളോട് ഇങ്ങോട്ട് വന്ന് സംസാരിക്കുന്ന ആളാണ്. അതുകൊണ്ട് തന്നെ ആദ്യം തോന്നിയ പേടിയൊക്കെ പെട്ടന്ന് മാറി. ജെന്റില്‍മാനാണ് പൃഥ്വി. ഓണ്‍ ദ സ്‌പോട്ടിലാണ് അഭിനയം. ശരിക്കും അദ്ദേഹത്തിന്റെ അഭിനയം കണ്ട് താന്‍ അത്ഭുതപ്പെട്ടു എന്നാണ് ചാന്ദ്‌നി പറയുന്നത്. 

അത്രയ്ക്ക് റിയലിസ്റ്റിക്കാണ് അഭിനയം. ഒപ്പം അഭിനയിക്കുന്ന ആള്‍ ഒരുപാട് നന്നായി ചെയ്യുമ്പോള്‍ നമ്മുടെ പ്രതികരണവും അതുപോലെയാവും. കുറേ മെച്ചപ്പെടും. ഡാര്‍വിന്‍ തനിക്ക് അങ്ങനെയാണ് അനുഭവപ്പെട്ടത് ചാന്ദ്‌നി പറഞ്ഞു. കെഎല്‍10 പത്തില്‍ നിന്ന് ഡാര്‍വിന്റെ പരിണാമത്തിലെത്തുമ്പോള്‍ അഭിനയത്തില്‍ പുരോഗതിയുള്ളതായി തോന്നുന്നുണ്ടെന്നും ചാന്ദ്‌നി പറയുന്നു. കെഎല്‍10 പത്തിലെ ഷാദിയ സ്‌പെഷ്യല്‍ ആണ്. പ്രിയപ്പെട്ടതാണ്. ഡാര്‍വിന്റെ പരിണാമത്തിലെ അമലയ്ക്ക് കുറേക്കൂടി അഭിനയ പ്രാധാന്യമുണ്ട്. സംവിധായകനില്‍ നിന്നും മറ്റും കിട്ടിയ നല്ല വാക്കുകള്‍ ആത്മവിശ്വാസം കൂട്ടിയെന്നും നടി പറഞ്ഞു.

മാത്രമല്ല പൃഥ്വിരാജിന്റെ ഭാര്യയായാണ് അഭിനയിക്കുന്നത്. ഒരു പാട് കുടുംബപ്രശ്‌നങ്ങളും ജീവിതപ്രതിസന്ധികളും നേരിടുന്ന കഥാപാത്രമാണ് അമല. കൊച്ചിയിലായിരുന്നു ഷൂട്ടിംഗ്. അതും ഒരു കൊച്ചുവീട്ടിലും പരിസരത്തും. അതുകൊണ്ട് സാധാരണക്കാരുടെ ജീവിതം കൂടുതല്‍ മനസിലാക്കാന്‍ കഴിഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha