മലയാളം വിളിക്കുന്നില്ലെന്ന് സറീന വഹാബ്
ആരും വിളിക്കാത്തത് കൊണ്ടാണ് മലയാള സിനിമയില് അഭിനയിക്കാത്തതെന്ന് സറീന വഹാബ്. മലയാളം തന്ന അംഗീകാരം വളരെ വലുതാണ്. 1978ലാണ് മദനോല്സവത്തില് അഭിനയിച്ചത്. അന്ന് മുതല് മലയാള സിനിമയോട് വല്ലാത്ത അടുപ്പമാണ്. നാട്ടുകാരിയല്ലാഞ്ഞിട്ടും ഇവിടുത്തുകാര് തന്നെ ഒരുപാട് സ്നേഹിച്ചെന്ന് താരം ഓര്മിക്കുന്നു.
കേരളത്തിലെ വിഭവങ്ങള് ഏറെ ഇഷ്ടമാണ്. പലതും മുംബെയിലെ വീട്ടില് ഉണ്ടാക്കി കഴിക്കാറുണ്ട്. അവസാനം ഒളിപ്പോര് എന്ന ചിത്രത്തിലാണ് അഭിനയിച്ചത്. ഇനിയും അവസരങ്ങള്ക്കായി കാത്തിരിക്കുന്നു. തമിഴിലും ഹിന്ദിയിലും നിരവധി അവസരങ്ങള് ലഭിക്കുന്നുണ്ടെന്നും താരം പറഞ്ഞു.
രണ്ടാമത്തെ മലയാള സിനിമയായിരുന്നു ചാമരം. വര്ഷമിത്ര കഴിഞ്ഞിട്ടും ആ സിനിമയും അതിലെ ഗാനങ്ങളും മലയാളി ഇന്നും നെഞ്ചിലേറ്റുന്നു. ഭരതന് ജോണ്പോള് ടീമിന്റെ സിനിമ വലിയ ബ്രേക്കാണ് കരിയറില് തന്നത്. പിന്നീട് നെടുമുടിക്കൊപ്പം പാളങ്ങളില് അഭിനയിച്ചു.
തെലുങ്കാണ് സറീനയുടെ മാതൃഭാഷ. ആദ്യം അഭിനയിച്ചത് ഇഷ്ക്, ഇഷ്ക്, ഇഷ്ക് എന്ന ഹിന്ദി ചിത്രത്തിലാണ്. ഹിന്ദിയിലും തെലുങ്കിലും അഭിനയിച്ച ശേഷമാണ് മലയാളത്തില് അഭിനയിക്കുന്നത്. കഥയും കഥാപാത്രങ്ങളും കൊണ്ട് ഏറെ വ്യത്യസ്തമായിരുന്നു മലയാളസിനിമ. ബോളിവുഡിലെ സൂപ്പര്ഹിറ്റായ ചിറ്റ്ചോര് കണ്ടിട്ടാണ് സലില് ചൗധരി താരത്തെ മലയാളത്തിലേക്ക് കൊണ്ടുവരാന് നിര്ദ്ദേശിച്ചത്.
https://www.facebook.com/Malayalivartha
