നടന്‍ വിക്രം ചാറ്റര്‍ജിക്കെതിരെ കൊല്ലപ്പെട്ട മോഡല്‍ സോണി ചൗഹാന്റെ രക്ഷിതാക്കള്‍ രംഗത്ത്. കാമുകന്‍ കൂടിയായ വിക്രമിനെ മകളെ അടക്കം ചെയ്ത സെമിത്തേരി സന്ദര്‍ശിക്കാന്‍ അനുവദിക്കരുതെന്നാണ് സോണികയുടെ രക്ഷിതാക്കള്‍ ആവശ്യപ്പെട്ടിരിക്കുന്നത്. എന്നാല്‍, സോണിക ചൗഹാനെ തടയാന്‍ തങ്ങള്‍ക്കാവില്ലെന്ന് സെമിത്തേരിയുടെ സൂക്ഷിപ്പുകാര്‍ പറഞ്ഞു.

വിക്രം ചാറ്റര്‍ജിയെ തടയണമെങ്കില്‍ അതിന് കോടതി ഉത്തരവ് ആവശ്യമുണ്ടെന്നും അവര്‍ പറഞ്ഞു. വിക്രം ചാറ്റര്‍ജിക്കൊപ്പം കാറില്‍ യാത്ര ചെയ്യുമ്പോഴായിരുന്നു സോണിക ചൗഹാന്‍ അപകടത്തില്‍പ്പെടുന്നത്. അപകടത്തില്‍ വിക്രമിന് കാര്യമായ പരിക്കൊന്നുമില്ല. മദ്യപിച്ച് അമിതവേഗതയിലാണ് വിക്രം വാഹനമോടിച്ചിരുന്നതെന്നും ഇതാണ് അപകടകാരണമെന്നും സോണികയുടെ രക്ഷിതാക്കള്‍ ആരോപിച്ചു.

അപകടത്തിനുശേഷം എല്ലാ ദിവസവും വിക്രം ചാറ്റര്‍ജി സോണികയെ അടക്കം ചെയ്ത സെമിത്തേരിയില്‍ എത്താറുണ്ടായിരുന്നു. ഇതാണ് സോണികയുടെ രക്ഷിതാക്കളെ ചൊടിപ്പിച്ചത്. അപകടം നടക്കുമ്പോള്‍ താന്‍ മദ്യപിച്ചിരുന്നില്ലെന്നും വാഹനം അമിതവേഗതയിലായരുന്നില്ലെന്നുമാണ് വിക്രം പറയുന്നത്.