വെള്ളിമൂങ്ങ, 1983, ഓം ശാന്തി ഓശാന, ഇവന്‍ മര്യാദ രാമന്‍ തുടങ്ങിയ ഒരുപടി ഹിറ്റ് ചിത്രങ്ങളിലൂടെ തിളങ്ങിയ നടിയാണ് നിക്കി ഗല്‍റാണി. ഇതുവരെ അധികം വിവാദങ്ങില്‍ പെടാതെ മാറി നിന്നിരുന്ന നിക്കിയെ തേടി ഇപ്പോളിതാ പുതിയ വിവാദം ചര്‍ച്ചയാവുകയാണ്. തന്റെ സഹോദരിയും നടിയുമായ സഞ്ജനയ്ക്കായി അവസരങ്ങള്‍ തേടി നടി തമിഴ് സംവിധായകര്‍ക്ക് പുറകേയാണെന്നാണ് ആരോപണം.

ഈ ആരോപണത്തിന് മറുപടിയുമായി നിക്കി തന്നെ ഇപ്പോള്‍ എത്തിയിരിക്കുകയാണ്.നിക്കി ഗല്‍റാണിയുടെ സഹോദരിയായ സഞ്ജന കന്നഡ സിനിമാതാരമാണ്. സഹോദരിക്കുവേണ്ടി തമിഴില്‍ അവസരം ചോദിച്ചു എന്ന ആരോപണത്തിനെതിരെയാണ് നിക്കി രംഗത്തെത്തിയത്. തന്റെ സിനിമാ വളര്‍ച്ചയ്ക്ക് വിഘാതമായി നില്‍ക്കുന്നവരാണ് ഇത്തരത്തിലുള്ള വാര്‍ത്തകള്‍ പ്രചരിപ്പിക്കുന്നത് പിന്നിലെന്ന് താരം പറയുന്നു.

താനും തന്റെ സഹോദരിയും അവസരത്തിന് വേണ്ടി അലയേണ്ട അവസ്ഥയിലല്ലെന്നും താരം പറഞ്ഞു. നിരവധി അവസരങ്ങള്‍ അല്ലാതെതന്നെ തങ്ങളെത്തേടി എത്തുന്നുണ്ടെന്ന് ഇരുവരും പറയുന്നു. വരുന്ന ഓഫറുകള്‍ മുഴുവനും സ്വീകരിക്കാന്‍ കഴിയാത്തതിന്റെ നിരാശയിലാണ് തങ്ങളെന്ന് ഇരുവരും പറയുന്നു.

അതിനിടയിലാണ് ഇത്തരമൊരു കാര്യം തങ്ങളെക്കുറിച്ച് പ്രചരിക്കുന്നതെന്നും താരം പറഞ്ഞു. മോഹന്‍ലാലിന്റെ കാസിനോവയില്‍ ചെറിയ വേഷത്തില്‍ അഭിനയിച്ച സഞ്ജന ചില നേരങ്ങളില്‍ ചിലര്‍ എന്ന ചിത്രത്തിലാണ് പ്രധാനവേഷത്തിലെത്തിയിരുന്നു. കന്നടയിലും തെലുങ്കിലുമാണ് സഞ്ജന കൂടുതലും അഭിനയിച്ചിരിക്കുന്നത്.