മലയാള സിനിമയിൽ പ്രേക്ഷക ശ്രദ്ധ നേടിയ നടിയാണ് മൈഥിലി. നിരവധി സിനിമകളില്‍ അഭിനയിച്ചിട്ടുണ്ടെങ്കിലും പാലേരി മാണിക്ക്യം എന്ന സിനിമയിലൂടെ ഏറെ ശ്രദ്ധിക്കപ്പെട്ടിരുന്നു. എന്നാലിപ്പോൾ താരത്തിന്‍റെ ഇപ്പോഴത്തെ രൂപമാറ്റം കണ്ട് ആരാധകര്‍ ഞെട്ടിയിരിക്കുകയാണ്.

മൈഥിലിയുടെ ചിത്രം കണ്ട് ആരാധകര്‍ക്ക് തിരിച്ചറിയാന്‍ കഴിയാത്ത തരത്തിലുള്ള രൂപമാറ്റമാണ് താരം നടത്തിയിരിക്കുന്നത്.

ഷൈന്‍ ടോം ചാക്കോയാണ് മൈഥിലിയുടെ പുതിയ ചിത്രം ഇന്‍സ്റ്റാഗ്രാമിലൂടെ ആരാധകര്‍ക്കായി പങ്കുവച്ചത്. മുടി വെട്ടി നിഷ്‌കളങ്കമായ ചിരിയോടെയുള്ള ചിത്രമാണ് പങ്കുവച്ചത്. എന്നാല്‍ ഒറ്റനോട്ടത്തില്‍ മൈഥിലിയെ ആരും തിരിച്ചറിയില്ല.

പാതിരാക്കാലം കൊല്‍ക്കൊത്ത ഫിലിം ഫെസ്റ്റിവല്‍, ജയ്പൂര്‍ ഫിലിം ഫെസ്റ്റിവല്‍ എന്നിവയില്‍ തിരഞ്ഞെടുക്കപ്പെട്ടതിന്‍റെ അഭിനന്ദന പോസ്റ്റിലാണ് മൈഥിലിയുടെ രൂപമാറ്റവും പുറത്തേക്ക് വരുന്നത്.