വിജയ് സിനിമയായ കത്തി റിലീസ് ചെയ്ത ദിവസം പോസ്റ്ററില്‍ പാലഭിഷേകം ചെയ്യുന്നതിനിടെ വീണ് മരിച്ച ആരാധകന്റെ കുടുംബത്തിന് വിജയ് ഫാന്‍സ് അസോസിയേഷന്റെ സഹായഹസ്തം. മൂന്ന് ലക്ഷമാണ് കുടുംബത്തിന് വിജയ് ഫാന്‍സ് നല്‍കിയത്. പണം കൈമാറുന്ന ചടങ്ങില്‍ പങ്കെടുത്തത് സാക്ഷാല്‍ വിജയ് തന്നെ. നടന്റെ സൗകര്യപ്രകാരം കോയമ്പത്തൂരിലായിരുന്നു ചടങ്ങ്. കോയമ്പത്തൂരിലെ ഹോട്ടലിലായിരുന്നു വിജയ്, ഫാന്‍സിനെയും ഉണ്ണിക്കൃഷ്ണന്റെ കുടുംബാംഗങ്ങളെയും കണ്ടത്. ഉണ്ണികൃഷ്ണന്റെ കുടുംബത്തിനെ വിജയ് ആശ്വസിപ്പിച്ചു. വടക്കഞ്ചേരിയില്‍ മരിച്ച ഉണ്ണിക്കൃഷ്ണന്റെ സഹോദരി തൃവേണി ദാസ്, സഹോദരന്‍ വിഷ്ണുദാസ് എന്നിവര്‍ക്കാണ് മൂന്ന് ലക്ഷം കൈമാറിയത്. ഇതില്‍ ഒരു ലക്ഷം ഒരു ഡിസ്ട്രിബ്യൂട്ടറാണ് നല്‍കിയതെന്ന് ഫാന്‍സ് ഭാരവാഹികള്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha