സിനിമ വിജയിച്ചാലും ഇല്ലെങ്കിലും നടന്‍മാര്‍ക്കും നടിമാര്‍ക്കും കാശ് കിട്ടണം. സിനിമയില്‍ അഭിനയിക്കുക മാത്രമാണ് തങ്ങളുടെ ജോലി, അല്ലാതെ സിനിമ റിലീസ് ചെയ്യുന്നുണ്ടോ എന്നൊക്കെ തിരക്കേണ്ടത് തങ്ങളുടെ ജോലിയല്ലെന്ന രീതിയില്‍ അഭിനയിച്ച് നടക്കുന്ന താരങ്ങള്‍ക്ക് മാത്രകയാവുകയാണ് തമിഴ് നടന്‍ ആര്യ.
ആര്യ നായകനായി എത്തുന്ന പുതിയ ചിത്രം മിഗമാന്റെ റിലീസിംഗിന് പണമില്ലാതെ നിര്‍മ്മാതാവ് ഹിതേഷ് പാടുപോടുമ്പോള്‍ സഹായവുമായെത്തിയാണ് താരം മാതൃകയായത്. ഇത് നിങ്ങളുടെ മാത്രം സിനിമയല്ല എന്റെയും കുടിയാണ് എന്ന് പറഞ്ഞാണ് ആര്യ തന്റെ പ്രതിഫലം വേണ്ടെന്ന് വെച്ച് സിനിമറിലീസിനുള്ള നടപടിക്രമങ്ങള്‍ ചെയ്തുകൊടുത്തത്.
റിലിസിംഗിന് കുറച്ച് പണത്തിനായി പലരെയും സമീപിച്ചെങ്കിലും ആരും തരാന്‍ തയ്യാറായില്ല. അപ്പോഴാണ്
ആര്യ തന്റെ രക്ഷകനായതെന്ന് നിര്‍മ്മാതാവ് ഹിതേഷ്. ആര്യ മാത്രം ഇല്ലായരുന്നെങ്കില്‍ ചിത്രം തിയേറ്ററിലെത്തില്ലായിരുന്നുവെന്നും ഹിതേഷ് പറയുന്നു.വര്‍ഷങ്ങളായി ഞാന്‍ സിനിമാ രംഗത്തുണ്ട്. എന്നാല്‍ ആര്യയെ പോലൊരാളെ മുമ്പ് കണ്ടിട്ടില്ല. ഇതിന് മുമ്പിറങ്ങിയ \'വന്മം\' എന്ന ചിത്രമാണ് തനിക്ക് സാമ്പത്തിക നഷ്ടമുണ്ടാക്കിയത് ഹിതേഷ് പറഞ്ഞു.
ആര്യ നായകനായി എത്തുന്ന മിഗമാന്‍ മികച്ച അഭിപ്രായങ്ങള്‍ നേടി പ്രദര്‍ശനം തുടരുകയാണ്. മഗിഴ് തിരുമേനി സംവിധാനം ചെയ്ത ചിത്രത്തില്‍ ഹന്‍സികയാണ് ആര്യയുടെ നായികയായെത്തുന്നത്. സുന്ദര്‍ശു, അഷുതോഷ് റാണ, ആശിഷ് വിദ്യാര്‍ത്ഥി, അനുപമ കുമാര്‍, സഞ്ജാന സിങ്, ഹാരിഷ് ഉത്തമന്‍ തുടങ്ങിയ ഒരു വലിയ താരനിരയും ചിത്രത്തിലുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha