തമിഴകത്തിന്റെ പ്രിയ താരങ്ങള്‍ ഇതാ വീണ്ടും ക്യാമറയ്ക്കു മുന്നില്‍ ഒരുമിച്ചെത്തുന്നു. പ്രേക്ഷകരുടെ ഇഷ്ടതാരങ്ങളായ സൂര്യ ജ്യോതിക ദമ്പതികളാണ് വീണ്ടും ക്യാമറയ്ക്ക് മുന്നില്‍ ഒരുമിച്ചെത്തുന്നത്.  ആദ്യം പ്രണയിച്ച ശേഷം വിവാഹത്തിലേക്ക് എത്തിയ ഈ താര ജോഡികളുടെ സിനിമ കാണാന്‍ കാത്തിരിക്കുന്നത് നിരവധി പേരാണ്.  വിവാഹ ജീവിതത്തിലേക്ക് കടന്ന കുടുംബ ജീവിതവുമായി ഒതുങ്ങി കൂടുമെന്ന് ആരാധകര്‍ പ്രതീക്ഷിച്ചിരുന്നുവെങ്കിലും ജ്യോതിക ഇതാ അതിനെല്ലാം മറുപടി നല്‍കി കൊണ്ട് വീണ്ടും സിനിമയിലെത്തുന്നു. 

വര്‍ഷങ്ങള്‍ക്കുശേഷം തിരികെയെത്തിയപ്പോള്‍ തന്നെ ഭര്‍ത്താവ് സൂര്യയ്‌ക്കൊപ്പം അഭിനയിക്കാന്‍ അവസരം ഒരുങ്ങിയിരിക്കുകയാണ് ജ്യോതികയ്ക്ക് ഇപ്പോള്‍.  സൂര്യ നിര്‍മ്മിക്കുന്ന ചിത്രത്തിലാണ് ആരാധകരെ ആവേശത്തിലാക്കി ഇരുവരും ഒന്നിക്കുന്നത്. പാണ്ഡ്യരാജ് ആയിരിക്കും ചിത്രം സംവിധാനം ചെയ്യുക.  സിനിമയില്‍ ഇവര്‍ മുഴുനീള വേഷമായിരിക്കില്ലെന്നും അതിഥി താരങ്ങളായാകും എത്തുകയെന്നും സൂചനയുണ്ട്.

ബിന്ദുമാധവി കേന്ദ്രകഥാപാത്രമാക്കിയാണ് സിനിമയുടെ കഥ പുരോഗമിക്കുന്നത്.  റഹ്മാന്‍ ആണ് പുതിയ സിനിമയിലെ നായകന്‍. സില്ലിനു ഒരു കാതല്‍ എന്ന സിനിമയില്‍ ആണ് സൂര്യ ജ്യോതിക ജോഡികള്‍ വിവാഹത്തിന് മുമ്പ് അവസാനമായി ഒരുമിച്ച് അഭിനയിച്ച ചിത്രം.
വിവാഹത്തിനുശേഷം കുടുംബ ജീവിതവുമായി തിരക്കിലായ ജ്യോതിക മലയാളത്തില്‍ സൂപ്പര്‍ഹിറ്റായ ഹൗ ഓള്‍ഡ് ആര്‍ യു എന്ന ചിത്രത്തിന്റെ തമിഴ് പതിപ്പില്‍ അഭിനയിച്ചുകൊണ്ടിരിക്കുകയാണ് ഇപ്പോള്‍.  റോഷന്‍ ആന്‍ഡ്രൂസ് തന്നെയാണ് ചിത്രത്തിന്റെ സംവിധാനം.  മലയാളത്തില്‍ മഞ്ജുവാര്യര്‍ തകര്‍പ്പന്‍ പ്രകടനം കാഴ്ചവച്ച കഥാപാത്രത്തെയാണ് തമിഴില്‍ ജ്യോതിക അവതരിപ്പിക്കുന്നത്.  നീണ്ട ഇടവേളയ്ക്കുശേഷം രണ്ടാമതും സിനിമയിലെത്താന്‍ കഴിഞ്ഞതിന്റെ സന്തോഷത്തിലാണ് ജ്യോതിക ഇപ്പോള്‍.
വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha