മുക്തയും സന്താനവും പ്രണയിക്കുന്നു.  വാസുവും ശിവവും ഒന്ന പടിച്ചവങ്ക് എന്ന ചിത്രത്തിലാണ് ഇരുവരും പ്രണയ ജോഡികളാകുന്നത്. എം രാജേഷ് സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് തുടങ്ങി. താമരഭരണി എന്ന ചിത്രത്തിലൂടെ തമിഴില്‍ ശ്രദ്ധേയായ മുക്തയ്ക്ക് പിന്നീട് അത്ര നല്ല അവസരങ്ങള്‍ തമിഴകത്ത് ലഭിച്ചിരുന്നില്ല. ചെറിയൊരു ഇടവേളയ്ക്ക് ശേഷമാണ് മുക്ത വീണ്ടും അഭിനയ രംഗത്തെത്തുന്നത്. അടുത്തിടെ ഇറങ്ങിയ, ഐ ഉള്‍പ്പടെയുള്ള ചിത്രങ്ങളില്‍ ശ്രദ്ധേയമായ വേഷം ചെയ്ത സന്താനം ഈ ചിത്രത്തിലും ശ്രദ്ധേയമായ വേഷമാണ് ചെയ്യുന്നത്.

തമിഴില്‍ ഭാനു എന്നാണ് മുക്ത അറിയപ്പെടുന്നത്.  ചിത്രത്തിലെ കേന്ദ്ര കഥാപാത്രങ്ങള്‍ ഇവര്‍ രണ്ട് പേരുമല്ല. ആര്യയാണ് ചിത്രത്തിലെ നായക വേഷത്തിലെത്തുന്നത്. നായികയായി തമന്നയും. ആര്യയ്‌ക്കൊപ്പം പ്രധാനമുള്ള വേഷമാണ് സന്താനത്തിന്. ടൈറ്റില്‍ റോളില്‍ ഒന്ന് സന്താനത്തിന്റെ പേരാണ്. ഇതാദ്യമായല്ല സന്താനവും മുഖ്യവേഷത്തിലെത്തുന്നത്. ശിവ മനസ്സുള്ള ശക്തി, ബോസ് എന്‍കിറ ബാസ്‌കരന്‍, ഒരു കല്‍ ഒരു കണ്ണാടി, ഓള്‍ ഇന്‍ ഓള്‍ അഴക് രാജ എന്നീ ചിത്രങ്ങളില്‍ നായകനൊപ്പം പ്രാധാന്യമുള്ള വേഷങ്ങള്‍ സന്താനം ചെയ്തിട്ടുണ്ട്.

സന്താനം നായകനായി അഭിനയിച്ച ആദ്യ ചിത്രം വിജയമായിരുന്നെങ്കിലും പിന്നീട് നായക വേഷങ്ങള്‍ അദ്ദേഹം സ്വീകരിച്ചില്ല. മുക്ത മലയാളത്തില്‍ നായിക വേഷങ്ങളില്‍ നിന്ന് തഴയപ്പെട്ടു. ഏറ്റവും അവസാനം ഓര്‍മയുണ്ടോ ഈ മുഖത്തില്‍ ഉപനായികയുടെ വേഷമാണ് ചെയ്തത്. ഇമ്മാനുവലില്‍ ചെറുതെങ്കിലും ശ്രദ്ധേയമായ വേഷം ചെയ്തു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha