കോളിവുഡിലെ പ്രിയ നായിക ഹന്‍സിക ഇനി അല്‍പം സാമൂഹ്യസേവന പ്രവര്‍ത്തനങ്ങളിലേക്ക് കാല്‍വയ്ക്കാന്‍ തീരുമാനിച്ചിരിക്കുകയാണ്. തീര്‍ച്ചയായും കോളിവുഡിലെ മറ്റ് സ്ത്രീ സൗന്ദര്യങ്ങള്‍ ഇതെല്ലാം ഒന്ന് കണ്ട് പടിക്കട്ടെ. അഭിനയം മാത്രമല്ല ജീവിതമെന്ന് ഹന്‍സികയ്ക്കു ഇപ്പോള്‍ മനസിലായി കാണണം. ഉപേക്ഷിക്കപ്പെട്ട കുട്ടികളെയും പ്രായമായവരെയും സംരക്ഷിക്കാന്‍ വേണ്ടി ഹന്‍സിക വീടു പണിയാനൊരുങ്ങുകയാണ്. എവിടെയാണെന്നല്ലേ? മുംബൈയിലാണ് ഹന്‍സിക വീട് പണിയാന്‍ തീരുമാനിച്ചിരിക്കുന്നത്. വീടിന്റെ പണി എത്രയും പെട്ടെന്ന് തുടങ്ങുമെന്ന് ഹന്‍സിക വ്യക്തമാക്കിയിട്ടുണ്ട്. മുംബൈയില്‍ വീട് പണിയുന്നതിനായി കുറച്ച് സ്ഥലം വാങ്ങിയിരിക്കുകയാണ് ഹന്‍സിക. നഗരത്തില്‍ നിന്ന് അല്പം മാറി വാഡ എന്ന സ്ഥലത്താണ് ഒരേക്കര്‍ സ്ഥലം വീട് നിര്‍മിക്കാനായി ഹന്‍സിക വാങ്ങിയിരിക്കുന്നത്.
നഗരത്തിലെ ഒച്ചപ്പാടില്‍ നിന്നും ബഹളത്തില്‍ നിന്നുമെല്ലാം മാറി, ശാന്തമായ ഒരു സ്ഥലമായിരുന്നു ആഗ്രഹിച്ചിരുന്നത്. അത് തന്നെ ലഭിച്ചു. നഗരത്തില്‍ നിന്ന് ഒരു ഒന്നര മണിക്കൂര്‍ യാത്ര വേണ്ടിവരുമെന്നും നാലഞ്ച് മാസം മുമ്പേ വാങ്ങാന്‍ തീരുമാനിച്ചതായിരുന്നുവെന്നും ഹന്‍സിക പറയുന്നു. ഏതായാലും ഹന്‍സികയുടെ ഈ തീരുമാനത്തെ എല്ലാവരും അഭിനന്ദിക്കുകയാണ് വേണ്ടത്. ഹന്‍സികയ്ക്കു ഇപ്പോള്‍ കോളിവുഡില്‍ തിരക്കേറുകയാണ്. തമിഴ് നടന്‍ ചിമ്പുവുമായുള്ള പ്രണയപരാജയത്തിന് ശേഷമാണ് ഹന്‍സിക സിനിമയില്‍ കൂടുതല്‍ ശ്രദ്ധ കൊടുത്തത്. വിശാലിനൊപ്പം അഭിനയിച്ച ആമ്പളെ എന്ന ചിത്രമാണ് ഹന്‍സികയുടെ ഒടുവില്‍ റിലീസ് ആയചിത്രം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha