ബോളിവുഡില്‍ പോയവര്‍ഷത്തെ ഹിറ്റ് ചിത്രങ്ങളിലൊന്നായ പികെ തമിഴിലേക്ക് റീമേക്ക് ചെയ്യുന്നു. ആമീര്‍ ഖാന്‍ തകര്‍ത്തഭിനയിച്ച വേഷം തമിഴിലെത്തുമ്പോള്‍ ഉലകനായകന്‍ കമല്‍ ഹസന്‍ ചെയ്യുമെന്നാണ് വാര്‍ത്തകള്‍. രാജ് കുമാര്‍ ഹിരാനി സംവിധാനം ചെയ്ത ചിത്രത്തിന്റെ റീമേക്ക് അവകാശം ജെമനി പ്രൊഡക്ഷന്‍സ് സ്വന്തമാക്കിയെന്നാണ് അറിയുന്നത്. ചിത്രത്തിന്റെ തെലുങ്ക് പതിപ്പിലും കമല്‍ ഹസന്‍ തന്നെയായിരിക്കും നായകന്‍.
ചിത്രത്തിന്റെ ഷൂട്ടിങ് മാസങ്ങള്‍ക്കുള്ളില്‍ ആരംഭിക്കാനിരിക്കെയാണ്.\'ചിത്രം പ്രാരംഭ ഘട്ടത്തിലാണ് കമലിനെ മാത്രമാണ് ഇപ്പോള്‍
തീരുമാനിച്ചിരിക്കുന്നത്. മറ്റ് അഭിനേതാക്കളെ ആരെയും ഇതുവരെ തീരുമാനിച്ചിട്ടില്ല. മെയ്യിലായിരിക്കും ചിത്രത്തിന്റെ ഷൂട്ടിങ് ആരംഭിക്കുക.\' ചിത്രവുമായി ബന്ധപ്പെട്ട വൃത്തങ്ങള്‍ അറിയിച്ചു.
നിലവില്‍ ഉത്തമ വില്ലന്‍, പാപനാശം എന്നീ തമിഴ് ചിത്രങ്ങള്‍ തീയറ്ററിലെത്തിക്കുന്നതിന്റെ തിരക്കുകളിലാണ് കമല്‍ ഹാസന്‍.വിധു വിനോദ് ചോപ്ര നിര്‍മ്മിച്ച പി. കെ ഇന്ത്യയിലെ ഏറ്റവും മികച്ച കളക്ഷന്‍ നേടിയ സിനിമ എന്ന റെക്കോഡ് സ്വന്തമാക്കിയിരുന്നു. ആള്‍ ദൈവങ്ങള്‍ക്കെതിരെയുള്ള ആക്ഷേപഹാസ്യ ചിത്രമാണ് \'പി.കെ\'. \'

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha