തമിഴ് നടന്‍ സൂര്യയ്ക്ക് ഫെയിസ്ബുക്കില്‍ വ്യാജന്‍. വ്യാജനെതിരെ സൂര്യ സൈബര്‍ സെല്ലിനെ സമീപിച്ചു. വിജയ്ക്കും കമല്‍ ഹസനുമാണ് ഫേസ്ബുക്കില്‍ ഒഫിഷല്‍ പേജുള്ളത്. ഇപ്പോഴതാ ആക്ടര്‍ സൂര്യ എന്ന പേരില്‍ ഒരു പേജ് കൂടെ പ്രത്യക്ഷപ്പെട്ടിരിക്കുന്നു. അതോടെ പേജിന് ലൈക്കുകള്‍ കുമിഞ്ഞുകൂടി. എന്നാല്‍ പേജ് രൂപീകരിച്ചത് സൂര്യയുടെ അറിവോടെയോ സമ്മതത്തോടയോ അല്ല. വ്യാജ പേജിനെതിരെ . താരത്തിന് വേണ്ടി ഓഫിഷ്യല്‍ ഫാന്‍സ് ക്ലബ്ബാണ് പരാതി നല്‍കിയിരിക്കുന്നത്.
പേജ് വ്യാജമാണെന്നും അതിന് താനുമായി യാതൊരു ബന്ധവുമില്ലെന്നും കാണിച്ച് സൂര്യ പത്രകുറിപ്പും ഇറക്കി. ഫേസ്ബുക്കിലോ ട്വിറ്ററിലോ തനിക്ക് അക്കൗണ്ടില്ലെന്നും അങ്ങനെ ഏതിലെങ്കിലും അക്കൗണ്ട് തുടങ്ങിയാല്‍ ഔദ്യോഗികമായി അറിയിക്കുമെന്നും സൂര്യ പത്രകുറിപ്പില്‍ വ്യക്തമാക്കുന്നു. വെങ്കിട് പ്രഭു സംവിധാനം ചെയ്യുന്ന പുതിയ ചിത്രത്തിന്റെ തിരക്കിലാണ് ഇപ്പോള്‍ സൂര്യ. \'മാസ്\' എന്ന താത്കാലിക പേര് നല്‍കിയിരിക്കുന്ന ചിത്രത്തില്‍ നയന്‍താരയും പ്രണിതയുമാണ് നായികമാര്‍.
പലതാരങ്ങളുടെയും പേരില്‍ വ്യാജ പ്രൊഫൈലുകള്‍ ഉണ്ട്. എന്നാല്‍ വിവാദമാകാത്തതിനാലും പ്രമോഷനു വേണ്ടിയും അവര്‍ ഇതിനെതിരെ രംഗത്ത് വരുന്നില്ലെന്ന് മാത്രം. ഉണ്ണിമുകുന്ദന്റെ പേരില്‍ വ്യാജ പ്രൊഫൈല്‍ ഉണ്ടെന്ന് താരം തന്നെ പറഞ്ഞു. എന്നാല്‍ തല്‍ക്കാലം പരാതി നല്‍കുന്നില്ലെന്നും താരം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha