തമിഴകത്തിന്റെ പ്രിയ നടന്‍ അജിത്ത് ഇനി ആണ്‍കുഞ്ഞിന്റെ കൂടി അച്ഛന്‍. ഇന്ന് പുലര്‍ച്ചെയാണ് അജിത്ത് ശാലിനി ദമ്പതികള്‍ക്ക് ആണ്‍കുഞ്ഞ് പിറന്നത്. അമ്മയും കുഞ്ഞും സുഖമായിരിക്കുന്നുവെന്ന് ആശുപത്രി അധികൃതര്‍ പറഞ്ഞു. രാവിലെ ശാലിനിയുടെ ഫെയ്‌സ് ബുക്ക് പേജിലൂടെയാണ് അജിത്തിന്റെ ആരാധകര്‍ ഈ വാര്‍ത്ത അറിഞ്ഞത്. യെന്നെ അറിന്താല്‍ സിനിമയുടെ വിജയം കൂടാതെ അജിത്തിന് സന്തോഷിക്കാന്‍ മറ്റൊരു സംഭവം കൂടി.

ഞാന്‍ വളരെയധികം ഭാഗ്യവാനാണെന്നും പറയാന്‍ പറ്റാത്ത സന്തോഷമാണുള്ളതെന്നും അജിത്ത് പറഞ്ഞു. തമിഴകത്തിന്റെ പ്രിയ താരദമ്പതികളായ ഇവര്‍ക്ക് അനുഷ്‌ക്ക എന്ന മകളുണ്ട്. അജിത്തിന്റെ പുതിയ ചിത്രം യെന്നൈ അറിന്താല്‍ കാണാന്‍ ഭാര്യ ശാലിനി തിയറ്ററിലെത്തിയിരുന്നു. അമര്‍കളം എന്ന തമിഴ് സിനിമയില്‍ അജിത്തും ശാലിനിയും ഒരുമിച്ച് അഭിനയിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha