തമിഴ്കത്തിന്റെ പ്രിയ നടന്‍ സൂര്യ ശിവകുമാറിന് ഇന്ന് പിറന്നാള്‍. തെന്നിന്ത്യയിലെ നിരവധി പേരാണ് സൂര്യയ്ക്ക് പിറന്നാള്‍ ആശംസയുമായി എത്തിയത്. മുഖ്യധാര നടന്മാരില്‍ ഒരാളാണ് നടന്‍ സൂര്യ. പ്രമുഖ തമിഴ് നടന്‍ ശിവകുമാറിന്റെ മകനാണ് സൂര്യ. സൂര്യ എന്ന പേര് നിര്‍ദ്ദേശിച്ചത് സംവിധായകന്‍ മണിരത്‌നമാണ്.
മണിരത്‌നം നിര്‍മിച്ച് വസന്ത് സംവിധാനം ചെയ്ത നേര്‍ക്കുനേര്‍ എന്ന ചിത്രത്തിലൂടെയാണ് സൂര്യ അഭിനയരംഗത്തെത്തുന്നത്. ഇളയദളപതി വിജയ്‌ക്കൊപ്പമായിരുന്നു അരങ്ങേറ്റം. വിജയ് അന്നേ അറിയപ്പെടുന്ന താരമാണ്. തൊണ്ണൂറുകളില്‍ ഇതുപോലെ മൂന്നു ചിത്രങ്ങളില്‍ അഭിനയിച്ചെങ്കിലും തിളങ്ങിയില്ല. പിന്നീട് വിജയ്‌ക്കൊപ്പം തന്നെ എത്തിയ 2001 ലെ ഫ്രണ്ട്‌സ് എന്ന ചിത്രം ശ്രദ്ധേയമായി.

ബാല സംവിധാനം ചെയ്ത നന്ദയാണ് സൂര്യയുടെ കരിയറില്‍ വഴിത്തിരിവാകുന്നത്. ഈ ചിത്രത്തിന് തമിഴ്‌നാട് സര്‍ക്കാരിന്റെ മികച്ച നടനുള്ള പുരസ്‌കാരം ലഭിച്ചു. മൗനം പേസിയതേ, കാക്ക കാക്ക, പിതാമഹന്‍, ഗജനി, അയേന്‍, വാരണം ആയിരം, സിങ്കം, സിങ്കം 2 അങ്ങനെ അഭിനയിച്ച മുപ്പതു ചിത്രങ്ങളിലും സ്വപ്രയത്‌നത്തിലൂടെ സൂര്യ തമിഴകത്തെ മികച്ച അഞ്ച് നടന്മാരില്‍ ഒരാളായി.

ഇതിനു ശേഷം സൂര്യ തന്റെ ചലച്ചിത്ര നിര്‍മ്മാണ കമ്പനി തുടങ്ങി. സ്റ്റുഡിയോ ഗ്രീന്‍ എന്ന കമ്പനി ചെന്നൈയില്‍ ചലച്ചിത്ര വിതരണവും നടത്തുന്നു. 2006 ലെ ജ്യോതികയോടൊപ്പം സില്ലുനു ഒരു കാതല്‍ എന്ന ചിത്രത്തിനു ശേഷം ജ്യോതികയെ വിവാഹം കഴിക്കുകയും ചെയ്തു. പിന്നീടുള്ള വാരണം ആയിരം, അയന്‍, സിങ്കം, സിങ്കം2 തുടങ്ങിയവ സൂര്യയുടെ വന്‍ വിജയം നേടിയ ചിത്രങ്ങളാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha