ഗവര്ണറെ നാടു കടത്താന് സര്ക്കാര് പൊങ്കാലയിടുന്നു
സര്വകലാശാലകളുടെ ദൈനം ദിന ഭരണത്തില് ഇടപെട്ടു തുടങ്ങിയ ഗവര്ണര് പി സദാശിവത്തെ കേന്ദ്രത്തിലേക്ക് നാടു കടത്താന് സര്ക്കാര് ഗണപതി ഹോമം നടത്തുന്നു. ദേശീയ മനുഷ്യാവകാശ കമ്മീഷന് അധ്യക്ഷ സ്ഥാനത്തേക്ക് സദാശിവത്തിന്റെ പേരാണ് പരിഗണിക്കപ്പെടുന്നത്. മേയ് 22 ന് മലയാളിയായ ജസ്റ്റിസ് കെജി ബാലകൃഷ്ണന് കമ്മീഷന് അധ്യക്ഷ സ്ഥാനം ഒഴിയും. ബിജെപി ദേശീയ നേതൃത്വവുമായി അടുപ്പം പുലര്ത്തുന്ന കേരള ഗവര്ണറെ നിയമിക്കാനാണ് നരേന്ദ്ര മോദി ആലോചിക്കുന്നത്.
സര്വകലാശാല പി.വി.സിമാരെ നേരിട്ട് നിയമിക്കാന് തുടങ്ങിയ ഗവര്ണര് കേരളത്തില് തുടര്ന്നാല് തങ്ങള്ക്ക് മനസ്സമാധാനം ലഭിക്കില്ലെന്നാണ് സര്ക്കാരിന്റെ കണക്കു കൂട്ടല്. അതു കൊണ്ടു തന്നെ ഗവര്ണര് കേരളം വിടേണ്ടത് കേരള സര്ക്കാരിന്റെ ആവശ്യമാണ്.
അതിനിടെ കേരളത്തില് പ്രവര്ത്തിക്കുന്ന സര്വകലാശാലകളുടെ ഓഫ് ക്യാമ്പസ് സെന്ററുകള് പൂട്ടാന് ഗവര്ണര് നിര്ദ്ദേശിച്ചേക്കും. ഇതിന്റെ മുന്നോടിയായാണ് എം ജി സര്വകലാശാലയുടെ ഓഫ് ക്യാമ്പസുകള് പൂട്ടാന് ഗവര്ണര് നിര്ദ്ദേശിച്ചത്. സര്വകലാശാലാ പരീക്ഷകള് വീഡിയോ റെക്കോര്ഡ് ചെയ്യണമെന്ന ഗവര്ണറുടെ തീരുമാനം പരക്കെ പ്രശംസിക്കപ്പെട്ടു.
ഇന്ത്യയുടെ ചീഫ് ജസ്റ്റിസായിരുന്ന ഗവര്ണര്ക്ക് ഇത്തരം ദുഷ്പ്രവണതകള് സഹിക്കാന് കഴിയുന്നതല്ല. കേരളത്തിലെ സര്വകലാശാലകളില് തലപ്പത്തെത്തുന്ന രാഷ്ട്രീയ നിറം നോക്കിയാണ് നിയമിക്കപ്പെടാറ്. ജാതി സംഘടനകള് വരെ വൈസ് ചാന്സലര്മാരെ നിയമിക്കാറുണ്ട്. ഇടതും വലതു മുന്നണികള് അധികാരത്തിലെത്തുമ്പോഴൊക്കെ ഇതാണ് പതിവ്. ഇതാണ് ഗവര്ണര് പിന്തുടരുന്ന നിലപാട്. അതാണ് സര്ക്കാരിനെ വിഷമിപ്പിക്കുന്നത്.
കണ്ണൂര് സര്വകലാശാല പ്രോ വൈസ് ചാന്സലറെ ഗവര്ണര് ഉടന് നിയമിച്ചേക്കും. കോണ്ഗ്രസിലെ ഗ്രൂപ്പ് വഴക്ക് കാരണം പ്രോ വൈസ് ചാന്സലര് നിയമനം നടക്കാതിരിക്കുകയാണ്. കേരളം വിടുന്നതിന് മുമ്പ് ഇത്തരം കാര്യങ്ങള് പൂര്ത്തിയാക്കാന് ഗവര്ണര് ഒരുങ്ങുകയാണ്.
ദേശീയ മനുഷ്യാവകാശകമ്മീഷനില് ഗവര്ണര് സദാശിവം എത്തിച്ചേരുകയാണെങ്കില് അത് സാധാരണക്കാരെ വളരെയധികം സഹായിക്കും. മനുഷ്യാവകാശ കമ്മീഷന്റെ പ്രവര്ത്തനം കൂടുതല് സജീവമാക്കാനും ജസ്റ്റിസ് സദാശിവത്തിന്റെ സാന്നിധ്യം സഹായിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
