കണ്ടെയ്നര് സന്തോഷിനെ വധിക്കാന് ശ്രമിച്ചതാര്?
കൊല്ലം മാതൃഭൂമി ലേഖകന് വി.ബി ഉണ്ണിത്താനെ വധിക്കാന് ശ്രമിച്ച കേസില് മാപ്പു സാക്ഷിയായ കുപ്രസിദ്ധ ഗുണ്ട കണ്ടെയ്നര് സന്തോഷിനെ കാക്കനാട്ടെ ജില്ലാ ജയിലില് വധിക്കാന് ശ്രമിച്ചതാര്?
കണ്ടെയ്നര് സന്തോഷിനെ വധിക്കാന് സാധ്യതയുണ്ടെന്നു കാണിച്ച് ഭാര്യ സംസ്ഥാന മനുഷ്യാവകാശ കമ്മീഷന് നല്കിയ പരാതിയില് സര്ക്കാര് എന്തു നടപടി സ്വീകരിച്ചു?
പൂര്വ്വ വൈരാഗ്യമുള്ള ചില പോലീസ് ഉദ്യോഗസ്ഥര് കണ്ടെയ്നര് സന്തോഷിനെ വധിക്കാനിടയുണ്ടെന്ന് കാണിച്ചാണ് ഭാര്യ മനുഷ്യാവകാശ കമ്മീഷനിലെത്തിയത്. ഒരു പൂര്വ്വവൈരാഗ്യവുമില്ലാത്ത ചിലരാണ് കഴിഞ്ഞ ദിവസം സന്തോഷിനെ ജയിലില് വധിക്കാന് ശ്രമിച്ചത്. ആലുവയിലെ ഗുണ്ടാ അക്രമ കേസില് പ്രതികളായി ജയിലിലെത്തിയവരായിരുന്നു സന്തോഷിന് നേരെ തിരിഞ്ഞത്. സംഭവത്തിനു പിന്നില് യാതൊരു പ്രകോപനവും ഉണ്ടായിരുന്നില്ലെന്ന് ജയില് അധികൃതര് തന്നെ പറയുന്നു. സന്തോഷിനെ ആക്രമിക്കുന്നത് കണ്ട് തടയാനെത്തിയ ജയില് ഉദ്യോഗസ്ഥര്ക്കും പരിക്കേറ്റു.
ഉണ്ണിത്താന് വധക്കേസ് അന്വേഷിച്ചത് സിബിഐയാണ്. സിബിഐയിലെ ചില ഉദ്യോഗസ്ഥര്ക്ക് ആരോപണ വിധേയനായ ഡിവൈഎസ്പിയുമായി ബന്ധമുണ്ടെന്നായിരുന്നു ഭാര്യയുടെ ആരോപണം.
കേരളത്തിലെ കുപ്രസിദ്ധമായ കാക്കി പടയിലേക്കാണോ സന്തോഷ് വധശ്രമം വിരല് ചൂണ്ടുന്നത്. മാസങ്ങള്ക്കു മുമ്പ് ഭാര്യ ഇതേ കേസില് പരാതി നല്കിയിട്ടും സന്തോഷിന് ജയിലില് സംരക്ഷണം നല്കാത്തതെന്ത്? ഒരു ഗുണ്ടാ ആക്രമണം നടത്തി ജയിലിലെത്താന് ഇന്നത്തെ കാലത്ത് യാതൊരു പ്രയാസവുമില്ല. അതാണോ ആലുവയിലെ ഗുണ്ടകള് ചെയ്തത്? ഗുണ്ടകളും പോലീസുദ്യോഗസ്ഥരും തമ്മിലുള്ള അവിഹിത ബന്ധം മലയാളക്കരയിലാകെ പാട്ടാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
