അരുവിക്കരയില്‍ യുഡിഎഫ് സ്ഥാനാര്‍ത്ഥി ശബരീനാഥ് വിജയിക്കാന്‍ സാധ്യതയെന്ന് ഇന്റലിജന്‍സ് . തെരഞ്ഞെടുപ്പിന്റെ ആദ്യ ചട്ടത്തില്‍ ശബരീനാഥിന് സാധ്യതയില്ലെന്നായിരുന്നു ഇന്റലിജന്‍സ് നല്‍കിയ സൂചനകള്‍. ശബരിനാഥിന് വിജയസാധ്യതയുണ്ടെന്നറിഞ്ഞ ശേഷമാണ് മുഖ്യമന്ത്രി അരുവിക്കര തെരഞ്ഞെടുപ്പിനെ കുറിച്ച് പ്രതികരിക്കാന്‍ തയ്യാറായത്.
അമ്മാവന്‍മാരും കൊച്ചുമോനും തമ്മില്‍ നടക്കുന്ന മത്സരമായി അരുവിക്കരയെ ജനം വിലയിരുത്തുന്നു. രാജഗോപാലിന്റെ അത്രയും ഇല്ലെങ്കിലും അതിനടുത്ത പ്രായം വിജയകുമാറിനുണ്ട്. മുടി കറുപ്പിച്ച് നടന്നാല്‍ ചെറുപ്പക്കാരനാകുമെന്നാണ് വിജയകുമാറിന്റെ ഭാവം.
എം വിജയകുമാറിനെ സ്ഥാനാര്‍ത്ഥിയാക്കിയതില്‍ സിപിഎമ്മിലെ ഒരു വിഭാഗത്തിന് എതിര്‍പ്പുണ്ട്. ജില്ലാ നേതാക്കളായ മധുവിനെയോ ഐബി സതീഷിനെയോ സ്ഥാനാര്‍ത്ഥിയാക്കാനാണ് സിപിഎം സംസ്ഥാന നേതൃത്വം ആദ്യം ആലോചിച്ചത്. എന്നാല്‍ എം വിജയകുമാര്‍ സ്ഥാനാര്‍ത്ഥിത്വത്തിനു വേണ്ടി വാശി പിടിച്ചതോടെയാണ് മധുവിന്റെയും സതീഷിന്റേയും സീറ്റ് തെറിച്ചത്.
എം വിജയകുമാര്‍ അരുവിക്കര മണ്ഡലത്തിലാണ് താമസിക്കുന്നത്. നെടുമങ്ങാടിന് സമീപം പനങ്ങാടാണ് വിജയകുമാറിന്റെ കുടുംബം. എന്നാല്‍ തങ്ങളുമായി അദ്ദേഹത്തിനു ഒരു ബന്ധവുമില്ലെന്നാണ് നാട്ടുകാര്‍ പറയുന്നത്.
വിജയകുമാറും രാജഗോപാലും അമ്മാവന്‍മാരാണ്. പ്രായാധിക്യമാണ് ഇരുവരുടെയും പ്രശ്‌നം. ശബരിനാഥാണെങ്കില്‍ തൊട്ടാല്‍ ചോര തെറിക്കുന്ന പ്രായക്കാരനാണ്. അതു കൊണ്ടു തന്നെ ചെറുപ്പക്കാരുടെ വോട്ട് ശബരിനാഥില്‍ തന്നെ കേന്ദ്രീകരിക്കാനാണ് സാധ്യതയെന്ന് ഇന്റലിജന്‍സ് വൃത്തങ്ങള്‍ സൂചിപ്പിക്കുന്നു.

പ്രചരണത്തില്‍ ശബരീനാഥാണ് മുമ്പില്‍. വിഎസ് അച്യുതാനന്ദന്റെ പിണക്കം വിജയകുമാറിന് വിനയാകും. താനില്ലാതെ വിജയകുമാര്‍ അരുവിക്കരയില്‍ ജയിക്കാന്‍ വിഎസ് അനുവദിക്കുകയുമില്ല. തന്റെ ഗ്രൂപ്പുകാരനായിരുന്ന വിജയകുമാര്‍ പിന്നീട് കാലുമാറിയതില്‍ വിഎസിന് വിരോധമുണ്ട്. വിജയകുമാര്‍ സ്വന്തം കാര്യം നോക്കാന്‍ മിടുക്കനാണെന്ന പരിഭവം വിഎസിന്റെ മനസിലുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha