മണിയെ കൊന്നത് ബന്ധുക്കളോ? ഭാര്യാ പിതാവിനെ ഉടന് ചോദ്യം ചെയ്യും; വഴിവിട്ട ബന്ധങ്ങള് കൊലപാതകത്തിലേക്ക് നയിച്ചെന്ന് പോലീസ്
മണിയുടെ ദുരൂഹ മരണത്തില് അദ്ദേഹത്തിന്റെ ബന്ധുക്കളെ പോലീസ് സംശയിക്കുന്നു. ഭാര്യാ പിതാവിനെ ഉടന് ചോദ്യം ചെയ്യും. മണിയുടെ വഴിവിട്ട ബന്ധങ്ങളാണ് കൊലപാതകത്തിലേക്ക് നയിച്ചതെന്ന് പോലീസ് സംശയിക്കുന്നു. ഇടുക്കിയിലും തിരുവനന്തപുരത്തും എറണാകുളത്തും മണിക്ക് ബന്ധങ്ങളുണ്ടായിരുന്നു എന്നാണ് സംശയിക്കുന്നത്. മണിയുടെ ഉള്ളിലെത്തിയ കീടനാശിനിയുടെ കുപ്പി ലഭിച്ചത് മണിയുടെ സഹോദരന് രാധാകൃഷ്ണന്റെ പറമ്പില് നിന്നായതിനാല് അദ്ദേഹത്തെയും ചോദ്യം ചെയ്യും. മണിയെ കൂട്ടുകാരും ജീവനക്കാരും ചേര്ന്ന് കൊന്നതാണെന്ന് ഈ സഹോദരന് ചാനലില് നടത്തിയ വെളിപ്പെടുത്തലുകളാണ് അന്വേഷണം ഊര്ജിതമായത്.
രണ്ടാഴ്ച മുമ്പാണ് മണി വീടു വിട്ടിറങ്ങിയത്. എന്നാല് രണ്ടാഴ്ചക്കിടയില് ഒരു തവണ പോലും ഭാര്യയോ മകളോ മണിയെ അന്വേഷിച്ചെത്തിയിരുന്നില്ലേ. ഇത് പോലീസ് ഗൗരവമായെടുക്കുന്നു. മണിയും കുടുംബവും തമ്മില് തെറ്റിയിരുന്നു. എന്നതിന് ഇതില് കൂടുതല് സംശയം വേണ്ടെന്നാണ് പോലീസിന്റെ നിഗമനം. തീര്ത്തും അപ്രതീക്ഷിതമായി മണി മരിച്ചിട്ടും ഭാര്യ രംഗത്ത് വരാതിരുന്നതും പോലീസിനെ കുഴക്കുന്നു.
മണിയും കുടുംബവും തമ്മിലുള്ള അകല്ച്ച ഭാര്യയുടെ ബന്ധുക്കളെ അലോസരപ്പെടുത്തിയിരുന്നതിന്റെ തെളിവുകളും പോലീസിന് ലഭിച്ചിട്ടുണ്ട്. മണിയും നിമ്മിയും തമ്മിലുള്ള ബഹളം വിവാഹമോചനത്തിലേക്ക് നീങ്ങുമോ എന്ന് നിമ്മിയുടെ അടുത്ത ബന്ധുക്കള് സംശയിച്ചിരുന്നു.
രാധാകൃഷ്ണന്റെ പറമ്പില് നിന്നും എങ്ങനെ വിഷക്കുപ്പി കണ്ടെത്തി എന്നതും പോലീസിനെ സംശയാലുക്കളാകുന്നു. ചിലരെങ്കിലും അന്വേഷണം വഴി തിരിച്ചു വിടാന് ശ്രമിക്കുന്നുണ്ടോ എന്നും പോലീസ് സംശയിക്കുന്നു. മണിക്കൊപ്പം പാഡിയിലുണ്ടായിരുന്ന സുഹൃത്തുക്കള്ക്കൊന്നും മണിയുടെ മരണവുമായി ബന്ധമില്ലെന്നാണ് പോലീസിന്റെ നിഗമനം. എന്നാല് അവരെ സംശയത്തിന്റെ മുള്മുനയില് നിര്ത്തി തിരശ്ശീലക്ക് പിന്നില് ഒളിച്ചിരിക്കുന്നവരെ കണ്ടെത്താനാണ് പോലീസ് ശ്രമിക്കുന്നത്. കലാഭവന് മണിയുടെ സംരക്ഷകര് എന്ന് അവകാശപ്പെടുന്നവരെയാണ് സത്യത്തില് പോലീസിന് ഇപ്പോള് സംശയം. ഏതായാലും വരും ദിവസങ്ങളില് അത് തെളിയുമെന്നു തന്നെയാണ് പോലീസ് വിശ്വസിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha