ഉമ്മന്‍ചാണ്ടി സര്‍ക്കാര്‍ അധികാരത്തില്‍ തിരിച്ചെത്തില്ലെന്ന് ഇന്റലിജന്‍സ്. അമ്പതില്‍ താഴെ മാത്രം സീറ്റുകള്‍ ലഭിക്കും. പല പ്രമുഖരും തോല്‍ക്കും. മന്ത്രിമാര്‍ക്കും കൂട്ട തോല്‍വി സംഭവിക്കും. കോട്ടയം, മലപ്പുറം ജില്ലകളില്‍ മാത്രം യുഡിഎഫ് കഷ്ടിച്ച് കരകയറും. ബാക്കിയെല്ലാ സ്ഥലങ്ങളിലും ഛിന്നഭിന്നമാകും.
സിപിഎമ്മിന്റെ കഴിവു കൊണ്ടായിരിക്കില്ല അവര്‍ വന്‍ ഭൂരിപക്ഷത്തില്‍ അധികാരത്തിലെത്തുന്നത്. പകരം യുഡിഎഫ് മന്ത്രിസഭയുടെ കോട്ടങ്ങള്‍ കൊണ്ടു മാത്രമായിരിക്കും.
വികസന പ്രവര്‍ത്തനങ്ങളില്‍ ഉമ്മന്‍ചാണ്ടി കൈവരിച്ച നേട്ടങ്ങളെ കുറിച്ചൊന്നും ജനങ്ങള്‍ക്ക് എതിരഭിപ്രായമില്ല. എന്നാല്‍ അതിന്റെ മറവില്‍ നടന്ന അഴിമതിയാണ് ഉമ്മന്‍ചാണ്ടിക്ക് വിനയായത്. സ്വന്തം ക്യാമ്പില്‍ നിന്നുയര്‍ന്ന ആരോപണങ്ങള്‍ സര്‍ക്കാരിന്റെ ഇമേജിനെ തീര്‍ത്തും പ്രതികൂലമായി ബാധിച്ചു. പ്രത്യേകിച്ച് വിഎം സുധീരന്റെ പ്രതികരണങ്ങള്‍
ഏറ്റവുമൊടുവില്‍ റവന്യൂ വകുപ്പിലുണ്ടായ കടുംവെട്ടുകള്‍ ജനങ്ങളെ വല്ലാതെ സ്വാധീനിച്ചിട്ടുണ്ട്. വികസനം എന്നാല്‍ കമ്മീഷനാണെന്ന് ജനങ്ങള്‍ കരുതുന്നു. ബിജെപിയുടെ സാന്നിധ്യം യുഡിഎഫിനെ തറപറ്റിക്കുന്നതില്‍ പ്രധാന ഘടകമാകും. ചാരായം നിരോധിച്ച ശേഷം ആന്റണി അധികാരത്തിലെത്തുന്ന പ്രചരണം പോലെയായിരിക്കും ഉമ്മന്‍ചാണ്ടിയുടെ അനുഭവമെന്നും ഇന്റലിജന്‍സ് പറയുന്നു.
സര്‍ക്കാര്‍ ഉദ്യോഗസ്ഥരില്‍ ഒരു വിഭാഗം സര്‍ക്കാരിനെ വല്ലാതെ കളങ്കപ്പെടുത്തിയതായും റിപ്പോര്‍ട്ടിലുണ്ട്.
എന്നാല്‍ ഇന്റലിജന്‍സിന്റെ പൂര്‍ണമായും വിശ്വാസത്തിലെടുക്കാനാവില്ല. അവരുടെ പ്രവചനങ്ങള്‍ പലപ്പോഴും പാളിപോയിട്ടുണ്ട്.
അവസാന നാളുകളില്‍ ഉമ്മന്‍ചാണ്ടി നിരന്തരം മന്ത്രിസഭായോഗങ്ങള്‍ വിളിച്ച് ഇഷ്ടക്കാരെ കുറിച്ചുള്ള തീരുമാനങ്ങളെടുക്കുന്നത് തോല്‍വി മുന്‍കൂട്ടി കണ്ടിട്ടാണെന്നും പറയപ്പെടുന്നു. തുടര്‍ന്ന് അധികാരത്തിലെത്തില്ലെന്ന കാര്യം ഉമ്മന്‍ചാണ്ടിക്ക് അറിയാമത്രേ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha