അഫ്രീദിയുടെ വാക്ക് പൊന്ന്... സച്ചിന് ശേഷം ഇവന് ഇന്ത്യയെ കാത്തോളും
പാകിസ്ഥാന് ക്യാപ്ടന് ഷഹീദ് അഫ്രീദി കഴിഞ്ഞ ദിവസം നടത്തിയ പ്രസ്ഥാവന സത്യമാണെന്ന് ഓസിസ് മത്സരത്തോടെ തെളിഞ്ഞിരിക്കുകയാണ്. ഓസ്ട്രേലിയിക്കെതിരെ ആധികാരിക വിജയം നേടാനായത് കോഹ്ലിയുടെ സമ്മര്ദ്ദമില്ലാത്ത ബാറ്റിംഗാണ്. തോല്ക്കുമെന്ന് ഇടയ്ക്ക് തോന്നിയ മത്സരത്തില് ശരവേഗം റണ്റേറ്റ് കൂട്ടി കോഹ്ളി നമ്മുടെ ടെന്ഷന് മാറ്റി. പുറത്താകാതെ 81 റണ്സ് നേടി ഇന്ത്യയെ സെമിയിലെത്തിച്ചു. ഇത് ശരിക്കും ഒരു ഫൈനലായിരുന്നു. പലപ്പോഴും ഓസ്ട്രേലിയയുടെ മുമ്പില് പതറുന്ന ഇന്ത്യ ഇന്ന് കോഹ്ലിയിലൂടെ മാറി. ഓസിസിനെ ആഞ്ഞടിക്കുന്ന സച്ചിനെയാണ് ഇന്ന് കണ്ടത്. അതെ അഫ്രീദി പറഞ്ഞ പോലെ സച്ചിന് ശേഷം കോഹ്ലി ഇന്ത്യയെ കാത്തു കൊള്ളും.
വിരാട് കോഹ്ലി മുന്നില് നിന്നു നയിച്ചപ്പോള് ഓസ്ട്രേലിയയ്ക്കെതിരായ നിര്ണായക മല്സരത്തില് ആറു വിക്കറ്റ് ജയത്തോടെ ഇന്ത്യ ലോകകപ്പ് സെമി ഫൈനലില് കടന്നു. ഓസ്ട്രേലിയ ഉയര്ത്തിയ 161 റണ്സ് വിജയലക്ഷ്യം അഞ്ചു പന്തും ആറു വിക്കറ്റും ബാക്കി നില്ക്കെയാണ് ഇന്ത്യ മറികടന്നത്. തോല്വിയോടെ ഓസീസ് ലോകകപ്പില് നിന്നു പുറത്തു പോയി. സ്കോര്: ഓസ്ട്രേലിയ്: 160-6 (20), ഇന്ത്യ 161-4 (19.1).
ഹാര്ദിക് പാണ്ഡ്യ എറിഞ്ഞ അവസാന ഓവറിലെ രണ്ടു പന്തുകളില് ഓസീസ് നേടിയത് 10 റണ്സാണ്. നിശ്ചിത ഇരുപത് ഓവറില് ആറു വിക്കറ്റ് നഷ്ടത്തില് ഓസീസ് 160 റണ്സാണ് നേടിയത്. ഇന്ത്യയ്ക്കായി ഹാര്ദിക് പാണ്ഡ്യ രണ്ടു വിക്കറ്റ് വീഴ്ത്തി. 43 റണ്സെടുത്ത ഫിഞ്ചും 31 റണ്സെടുത്ത മാക്സ്!വെല്ലുമാണ് ഓസീസ് നിരയില് തിളങ്ങിയത്. മൂന്നു പന്തില് 10 റണ്സ് നേടി അവസാന ഓവറില് സ്കോര് ഉയര്ത്തിയത് നിവീല് ആണ്.
31 റണ്സെടുത്ത മാക്സ്!വെല്ലിനെ ബുംറ പുറത്താക്കി. 34 പന്തില് 43 റണ്സെടുത്ത ഫിഞ്ചിനെ ഹാര്ദിക് പാണ്ഡ്യയാണ് പുറത്താക്കിയത്. ഇത്തവണത്തെ ലോകകപ്പില് ആദ്യമായി പന്തെറിഞ്ഞ യുവരാജ് സിങ് ആദ്യ ബോളില് തന്നെ വിക്കറ്റ് സ്വന്തമാക്കി. സ്റ്റീവ് സ്മിത്തനെ (2) ധോണിയുെട കയ്യിലെത്തിച്ചാണ് യുവി ബോളിങ്ങില് തന്റെ വരവറിയിച്ചത്. 6 റണ്സെടുത്ത ഡേവിഡ് വാര്ണറെ അശ്വിന്റെ പന്തില് ധോണി സ്റ്റംപ്ചെയ്തു. 16 പന്തില് 26 റണ്സെടുത്ത ഖ്വാജയെ നെഹ്റ പുറത്താക്കി.
ഇന്ത്യന് ബോളര്മാരെ തലങ്ങും വിലങ്ങും പായിച്ചാണ് ഓസ്ട്രേലിയന് ഓപ്പണര്മാര് ബാറ്റുവീശിയത്. ബൂംറയെറിഞ്ഞ രണ്ടാം ഓവറില് ഓസീസ് താരങ്ങള് അടിച്ചു കൂട്ടിയത് 17 റണ്സാണ്. അശ്വിന് എറിഞ്ഞ നാലാം ഓവറില് പിറന്നത് 22 റണ്സും. പിന്നീട് ഇന്ത്യ പിടിമുറുക്കുകയായിരുന്നു. ടോസ് നേടിയ ഓസ്ട്രേലിയ ഇന്ത്യയ്ക്കെതിരെ ബാറ്റിങ് തിരഞ്ഞെടുക്കുകയായിരുന്നു.
രണ്ടു ജയവുമായി നാലു വീതം പോയിന്റ് ആണ് ഇരു ടീമിന്റെയും സമ്പാദ്യം. റണ്റേറ്റിലാണ് ഓസ്ട്രേലിയയ്ക്കു മുന്തൂക്കം. കളി ടൈ ആയാല് അവര്ക്കാകും ആനുകൂല്യം. ഇന്ന് ജയിക്കുന്ന ടീം സെമിയിലെത്തും. തോല്ക്കുന്ന ടീം പുറത്താവും. ഗ്രൂപ്പില് നിന്ന് ന്യൂസിലന്ഡ് സെമി ഉറപ്പാക്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha