ക്ലാസ്‌മേറ്റ്‌സിലെ റസിയയെ അവതരിപ്പിച്ച രാധികയ്ക്ക് കല്യാണ ആലോചന വന്നത് ഇന്റര്‍നെറ്റ് വഴി. സഹോദരന്‍ അരുണ്‍ മാട്രിമോണിയല്‍ സൈറ്റില്‍ കൊടുത്ത ഫോട്ടോ കണ്ടിട്ടാണ് അഭില്‍ കൃഷ്ണയുടെ ആലോചന വന്നത്. തനിക്ക് കല്യാണത്തിന് താല്‍പര്യമില്ലെന്ന് താരം പറഞ്ഞു. എന്നാല്‍ നല്ല ചെക്കനാണ് കണ്ടു നോക്കാന്‍ പറഞ്ഞു. എന്നിട്ടും പിടികൊടുത്തില്ല. മൂന്ന് മാസം കഴിഞ്ഞ് ദുബയിലെ ഒരു കോഫി ഷോപ്പില്‍ വെച്ചാണ് അഭിയെ പിന്നെ കണ്ടത്. സഹോദരന്‍ അറേഞ്ച് ചെയ്ത പെണ്ണുകാണല്‍ ചടങ്ങായിരുന്നു അത്. 

പിന്നീട് ആലോചനയുമായി മുന്നോട്ട് പോകാന്‍ അഭിയാണ് പറഞ്ഞത്. പിന്നീട് വീട്ടുകാര്‍ തമ്മില്‍ കണ്ട് കാര്യങ്ങള്‍ തീരുമാനിക്കുകയായിരുന്നു. പരിചയപ്പെട്ട് ആറ് മാസം കഴിഞ്ഞാണ് കല്യാണം നടന്നത്. അതുവരെ പരസ്പ്പരം മനസിലാക്കി. കല്യാണം കഴിഞ്ഞെങ്കിലും അഭിനയം മതിയാക്കിയില്ലെന്ന് താരം പറഞ്ഞു. വിയറ്റ്‌നാം കോളനിയിലാണ് ആദ്യം അഭിനയിച്ചത്. പിന്നെയും ഓഫറുകള്‍ വന്നെങ്കിലും പഠനം ഉഴപ്പുമെന്ന് കരുതി വേണ്ടെന്ന് വച്ചു. പിന്നീട് വണ്‍മാന്‍ഷോയില്‍ അഭിനയിച്ചു. 

ചേട്ടന്റെ സുഹൃത്താണ് ലാല്‍ജോസ്. ഒരിക്കല്‍ അച്ഛന്‍ ഉറങ്ങാത്ത വീടിന്റെ ലൊക്കേഷനില്‍ പോയി. അവിടെ വച്ച് പൃഥ്വിരാജ് സ്വപ്‌നം കാണുന്ന പെണ്ണിന്റെ കണ്ണും ചിരിയും അഭിനയിക്കാന്‍ നിര്‍ബന്ധിച്ചു. അതിന് ശേഷമാണ് ക്ലാസ്‌മേറ്റ്‌സിലേക്ക് വിളിച്ചത്. ചെറിയ വേഷമായതിനാല്‍ വേണ്ടെന്ന് പറഞ്ഞു. എന്നാല്‍ ചെറുതാണെങ്കിലും നല്ലതാണെന്ന് നിര്‍ബന്ധിച്ചു. പക്ഷെ, സിനിമയുടെ ക്‌ളൈമാക്‌സ് കഴിഞ്ഞാണ് കഥാപാത്രത്തിന്റെ പ്രാധാന്യം മനസിലായതെന്നും താരം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha