ഇന്ത്യന്‍ രാഷ്ട്രപതിക്കെതിരെ ഹൈക്കോടതിയോ? രാജ്യം ബുധനാഴ്ച ഞെട്ടലോടെ ചോദിച്ച ചോദ്യമാണ് ഇത് !
ഇന്ത്യന്‍ രാഷ്ട്രപതി തെറ്റുകള്‍ക്ക് അതീതനല്ലെന്ന് ഒരു ഹൈക്കോടതി ചീഫ് ജസ്റ്റിസ് പറഞ്ഞിരിക്കുന്നു. അദ്ദേഹത്തിനു തെറ്റു പറ്റിയാലും നിയമത്തിനു തെറ്റുപറ്റില്ലെന്നാണ് ഉത്തരാഖണ്ഡ് ഹൈക്കോടതി പറഞ്ഞത്.
ഇങ്ങനെയെല്ലാം സംസാരിക്കാന്‍ ധൈര്യം കാണിച്ച ചീഫ് ജസ്റ്റിസ് ഒരു മലയാളിയാണെന്നതാണ് അത്ഭുതം. വാര്‍ത്ത കേട്ടവര്‍ മൂക്കത്ത് വിരല്‍ വച്ചു. ഒരു മലയാളിക്ക് മാത്രമേ ഇങ്ങനെയൊക്കെ പറയാന്‍ ധൈര്യം കിട്ടൂ.
ഉത്തരാഖണ്ഡ് സര്‍ക്കാരിനെ പിരിച്ചുവിട്ട നടപടി ചോദ്യം ചെയ്ത് മുഖ്യമന്ത്രി സമര്‍പ്പിച്ച ഹര്‍ജിയിലാണ് കോടതി സുപ്രധാന നിരീക്ഷണങ്ങള്‍ നടത്തിയത്. രാഷ്ട്രപതിയുടെ ഉത്തരവ് അനുസരിച്ചാല്‍ മതിയെന്നും അതിനെ ചോദ്യം ചെയ്യരുതെന്നും കേന്ദ്ര സര്‍ക്കാര്‍ വാദിച്ചപ്പോഴാണ് രാഷ്ട്രപതിയുടെ ഉത്തരവല്ല നിയമമാണ് ഭരിക്കുന്നതെന്ന് ചീഫ് ജസ്റ്റിസ് കെ.എം. ജോസഫ് പറഞ്ഞത്. രാഷ്ട്രപതി മഹാരാജാവല്ലെന്നും കോടതി പറഞ്ഞു. മഹാരാജാവാണെങ്കില്‍ ചിലപ്പോള്‍ കോടതിക്ക് അതീതമായിരിക്കാമെന്നും അദ്ദേഹം കൂട്ടിച്ചേര്‍ത്തു.
ജസ്റ്റിസ് കെ.എം. ജോസഫിനെ അറിയുന്നവരൊന്നും അദ്ദേഹത്തിന്റെ നിരീക്ഷണങ്ങളില്‍ അത്ഭുതപ്പെട്ടില്ല. ചങ്കൂറ്റം ആവോളമുള്ള ന്യായാധിപനാണ് അദ്ദേഹം. ബി.ജെ.പി. എന്നു കേള്‍ക്കുമ്പോള്‍ പേടിക്കുകയുമില്ല.
നേരത്തെ സുപ്രീംകോടതി ജഡ്ജി ജസ്റ്റിസ് കുര്യന്‍ ജോസഫ് കേന്ദ്രസര്‍ക്കാരിനെ എതിര്‍ത്ത് രംഗത്തെത്തിയിരുന്നു. കൊച്ചിയിലാണ് ജസ്റ്റിസ് കെ.എം. ജോസഫ് ജനിച്ചത്. കേരള ഹൈക്കോടതിയില്‍ അദ്ദേഹം ദീര്‍ഘകാലം ജഡ്ജിയായിരുന്നു. ചീഫ് ജസ്റ്റിസ് ആയതിനെ തുടര്‍ന്നാണ് ഉത്തരാഖണ്ഡിലേക്ക് മാറിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha