ശ്വാസകോശങ്ങളെ ബാധിക്കുന്ന അസുഖമാണ് എംഫിസീമ.. ഈ രോഗം ബാധിച്ചവരിൽ ശ്വാസകോശങ്ങളെ താങ്ങിനിർത്തുന്ന ചില കലകൾക്ക് നാശം സംഭവിക്കുന്നതിനാൽ ഈ അസുഖം മൂലം ശ്വസനതടസ്സമുണ്ടാകുന്നു. ഏറെക്കാലം നീണ്ടുനിൽക്കുന്ന എംഫിസീമയെ ക്രോണിക് ഒബ്സ്ട്രക്ടീവ് പൾമണറി രോഗങ്ങളുടെ ഗണത്തിലാണ് ഉൾപ്പെടുത്തിയിരിക്കുന്നത്. രോഗബാധിതരിൽ ശ്വാസകോശങ്ങളിലെ വായുഅറകൾക്ക് താങ്ങുനൽകുന്ന കോശങ്ങൾക്ക് നാശം സംഭവിക്കുന്നതിനാൽ ശ്വാസകോശങ്ങളുടെ പ്രവർത്തനത്തെ ഇത് ദോഷകരമായി ബാധിക്കുന്നു. നിശ്വാസസമയം ദീർഘിക്കുന്നതാണ് രോഗത്തിന്റെ മുഖ്യലക്ഷണങ്ങളിലൊന്ന്.
പ്രധാനമായും സിഗരറ്റ് പോലുള്ള പുകവലി ഉത്പന്നങ്ങളുടെ അമിത ഉപയോഗമാണ് ഇതിന് മുഖ്യ കാരണം.അതിനാൽ പുകവലി ഉപേക്ഷിക്കുന്നതിലൂടെ രോഗത്തെ തടയാൻ നമുക്ക് സഹായിരിക്കുന്നു.

എംഫിസീമയുടെ അന്ത്യഘട്ടത്തിൽ രക്തം രക്തക്കുഴലുകളിൽത്നെ അടിഞ്ഞുകിടക്കുകയും ശ്വാസകോശത്തിലെ രക്തസമ്മർദ്ദം ഉയരുകയും ചെയ്യുന്നു. വെള്ളം കെട്ടിനിൽക്കുന്ന ഈഡിമ എന്ന അവസ്ഥയുണ്ടാകുന്നു. വൃക്കകളുടേയും കരളിന്റേയും പ്രവർത്തനങ്ങളെ ഇത് സാരമായി ബാധിക്കുന്നു. ഓക്സിജന്റെ അഭാവവും ഉയർന്ന കർബൺ ഡൈഓക്സൈഡിന്റെ അളവും നാഡീ- മാനസിക പ്രശ്നങ്ങൾക്ക് കാരണമാകുന്നു.ശ്വാസമെടുക്കാനുള്ള തടസ്സവും ശ്വസനത്തിന്റെ നിരക്കിലുള്ള കുറവുമാണ് മുഖ്യലക്ഷണം. കടുത്ത ചുമയും ശ്ലേഷ്മോൽപ്പാദനവും ഇതിന്റെ മറ്റ് ലക്ഷണങ്ങളാണ്