എന്താണ് പിത്താശയക്കല്ല് ?
മാംസഭക്ഷണങ്ങള് കഴിക്കുമ്പോള് വയറുവേദനയും ദഹനക്കേടും. നെഞ്ചെരിച്ചിലും നടുവുവേദനയുമൊക്കെ അനുഭവപ്പെടുന്നുണ്ടെങ്കിൽ അത് പിത്താശയക്കല്ലിന്റെ ലക്ഷണങ്ങളാകാം. 7.62- 15.24 സെന്റീമീറ്റര് നീളമുള്ള ചെറിയ സഞ്ചിയാണ് പിത്താശയം. വലതുവശത്തെ നെഞ്ചില്, കരളിന്റെ പിന്നിലായാണ് പിത്താശയം സ്ഥിതി ചെയ്യുന്നത്. പിത്താശയം ഒരു വശത്ത് കരളും മറുവശത്ത് ചെറുകുടലുമായി ബന്ധിപ്പിച്ചു കിടക്കുന്നു.ആഹാരപദാര്ത്ഥങ്ങളുടെ ദഹനത്തിനും ആഗിരണത്തിനും പിത്തനീര് സഹായിക്കുന്നു.
പിത്താശയക്കല്ല് അത്ര സാധാരണ രോഗമല്ലെങ്കിലും ഇന്നത്തെ കാലത്ത് വളരെ വ്യാപിച്ചുകൊണ്ടിരിക്കുന്ന ഒരു രോഗാവസ്ഥയാണിത്.
കൊഴുപ്പ്, ബിലുറൂബിന്, കാത്സ്യം, എന്നിവയുടെ കൂടെ ചേര്ന്നാണ് സാധാരണയായി കല്ലുകള് ഉണ്ടാകുന്നത്. ആയുര്വേദ വിധിപ്രകാരം പിത്തരോഗമായാണ് ഇതിനെ കാണുന്നത്. ശരീരത്തില് പല കാരണങ്ങളാല് ദുഷിച്ച പിത്തം കല്ലായി പിത്താശയത്തില് അടിഞ്ഞുകൂടുന്നു.ആയുര്വേദ മരുന്നുകള്, ചികിത്സകള്, പത്യാഹാരം തുടങ്ങിയവയിലൂടെ ഇത്തരം കല്ലുകള് അലിയിച്ച് ഇല്ലാതാക്കാവുന്നതാണ്. അലോപ്പതിയില് മരുന്നു ചികിത്സകളും ശസ്ത്രക്രിയയുമാണ് സാധാരണയായി നിര്ദേശിക്കാറുള്ളത്.
ഭക്ഷണത്തിലുള്പ്പെടെ ചില കാര്യങ്ങള് ശ്രദ്ധിച്ചാല് പിത്താശയക്കല്ല് പരിഹരിക്കാനാകും. പച്ചക്കറികളും പഴങ്ങളും ധാരാളം കഴിക്കുക. നാരുകളടങ്ങിയ പച്ചക്കറികള് ഭക്ഷണത്തില് ഉള്പ്പെടുത്തണം. മത്സ്യമാംസാദികള് കഴിവതും ഒഴിവാക്കുക. പാല്, മോര്, നെയ്യ് തുടങ്ങിയവ ആഹാരത്തില് ഉള്പ്പെടുത്തുന്നതില് പ്രശ്നമില്ല. എരിവ് കൂടിയ ഭക്ഷണപദാര്ത്ഥങ്ങളില് മിതത്വം പാലിക്കേണ്ടതുണ്ട്.
https://www.facebook.com/Malayalivartha