മൂത്രത്തിൽ പഴുപ്പ് എങ്ങനെ പരിഹരിക്കാം
പൊതുവേ പറഞ്ഞാല് മൂത്രം അണുവിമുക്തമാണ്. ഏതെങ്കിലും കാരണവശാല് മൂത്രനാളം വഴി മൂത്രസഞ്ചിയില് അണുക്കള് എത്തി അണുബാധ ഉണ്ടാകുന്നതിനെയാണ് സാധാരണ ഗതിയില് യൂറിനറി ഇന്ഫെക്ഷന് എന്ന് പറയുന്നത്. എന്നാല് കിഡ്നി മുതല് മൂത്രനാളം വരെ എവിടെ അണുബാധ ഉണ്ടായാലും അതിനെ ഇങ്ങനെ തന്നെയാണു വിളിക്കുന്നത്.
യഥാസമയം മൂത്രമൊഴിക്കാതെ അധിക സമയം മൂത്രാശയത്തില് കെട്ടിനില്ക്കുന്നത് അണുക്കള് വളരാനുള്ള സാഹചര്യം ഒരുക്കുന്നു.എന്നാൽ മൂത്രനാളത്തിലേക്ക് അണുക്കൾ പ്രവേശിക്കാൻ പലകാരണങ്ങളും ഉണ്ട്
മലവിസര്ജനത്തിനു ശേഷം പിന്നില് നിന്ന് മുന്പിലേക്ക് വൃത്തിയാക്കുന്നത് , ഗര്ഭാവസ്ഥ ,പ്രമേഹം
ആര്ത്തവവിരാമത്തിനു ശേഷം ശരീരത്തില് ഈസ്ട്രജന് എന്ന ഹോര്മോണിന്റെ അഭാവം മൂലം ,
മൂത്രാശയത്തിലോ കിഡ്നിയിലോ ഉണ്ടാകുന്ന തടസങ്ങള് (കല്ല്, മറ്റു വളര്ച്ചകള്, മൂത്രനാളത്തിന്റെ വ്യാസം കുറയുന്ന അവസ്ഥകള്) എന്നിങ്ങനെ കാരണങ്ങൾ പലതാണ്.
വെള്ളം നന്നായി കുടിക്കുന്നതിലൂടെ ഇതിനൊരു പരിഹാരം നമുക്ക് കാണാം,തിളപ്പിച്ചാറിയ വെള്ളമോ കഞ്ഞിവെള്ളമോ പഴച്ചാറുകളോ ആകും കൂടുതൽ ഉത്തമം.മൂത്രം പിടിച്ചു വെക്കേണ്ടി വരുന്ന സാഹചര്യങ്ങള്
പരമാവധി ഒഴിവാക്കുക.യഥാ സമയം മൂത്രമൊഴിക്കുക .എന്നീ പ്രക്രിയകളിലൂടെ നമുക്ക് ഈ രോഗത്തെ അകറ്റി നിർത്താൻ സാധിക്കും.
https://www.facebook.com/Malayalivartha
