മദ്യപാനവും ആരോഗ്യ പ്രശ്നവും
പൊതു സമൂഹം നേരിടുന്ന ഏറ്റവും വലിയ പ്രശ്നമാണ് മദ്യപാനം എന്നത്.മദ്യപാനം ഒരുവന്റെ ആരോഗ്യത്തെ നശിപ്പിക്കുന്നുവെങ്കില്, തൊഴില് പ്രശ്നങ്ങള് ഉണ്ടാക്കുന്നുവെങ്കില്, സാമ്പത്തിക തകര്ച്ച ഉണ്ടാക്കുന്നുവെങ്കില്, സാമൂഹ്യപ്രശ്നങ്ങള് ഉണ്ടാക്കുന്നുവെങ്കില്, തുടര്ന്നും അയാള് മദ്യം ഉപയോഗിക്കുന്നുവെങ്കില് അയാളൊരു മദ്യപാന രോഗിയാണ്.കുറച്ചു സമയത്തേക്ക് അനുഭവപ്പെടുന്ന സുഖകരമായ അവസ്ഥ കഴിഞ്ഞാല് തലച്ചോറിന്റെ പ്രവര്ത്തനം മന്ദീഭവിക്കുകയും, ഏകാഗ്രത കുറയുകയും, ചിന്ത പതുക്കെയാവുകയും, ചുറ്റുപാടുകളോട് പ്രതികരിക്കാന് കൂടുതല് സമയം വേണ്ടിവരികയും ചെയ്യുന്നു.
മാത്രമല്ല പേശീനിയന്ത്രണം കുറയുകയും, സംസാരത്തിന് കുഴച്ചില് ഉണ്ടാവുകയും, നടത്തത്തിനും ചലനത്തിനും നിയന്ത്രണമില്ലാതാവുകയും ചെയ്യുന്നു. ഇക്കാരണങ്ങള്കൊണ്ടാണ് മദ്യപിച്ച് വാഹനമോടിക്കുമ്പോള് അപകട സാധ്യത വര്ധിക്കുന്നത്.മദ്യം കരളിനെ നേരിട്ട് ബാധിക്കുന്ന വിഷമാണ്. തുടക്കത്തില് കരളില് കൊഴുപ്പ് അടിഞ്ഞ് കൂടി ഉണ്ടാകുന്ന ഫാറ്റിലിവറും പിന്നീട് മദ്യപാനം തുടര്ന്നാല് കരള്വീക്കം, മഹോദരം എന്നീ അവസ്ഥകളും ഉണ്ടാകുന്നു. കൂടാതെ പ്ളീഹ തുടങ്ങി പല അവയവങ്ങളുടേയും പ്രവര്ത്തനശേഷി കുറഞ്ഞ് കുടലില് രക്തസ്രാവമുണ്ടായും രക്തം ചര്ദ്ദിച്ചും രോഗിക്ക് മരണം വരെ സംഭവിക്കാം. ഇന്സുലിന് ഉദ്പാദിപ്പിക്കുന്ന പാന്ക്രിയാസ് ഗ്രന്ഥിക്ക് വീക്കം സംഭവിക്കുന്നതു കൊണ്ട് മദ്യപരില് പ്രമേഹരോഗ സാധ്യതയും കൂടുതലാണ്.
https://www.facebook.com/Malayalivartha