മൂക്കിനും കണ്ണുകൾക്കും ചുറ്റുമുള്ള അസ്ഥികൾക്കിടയിലെ ശൂന്യമായ അറകളെ സൈനസുകൾ എന്ന് നമ്മൾ പറയുന്നു ഈ അറകളിൽ നീര് നിറയുന്ന അവസ്ഥയാണ് സൈനസൈറ്റിസ്.ഇത് രണ്ടു തരമാണുള്ളത് ഒന്ന് അക്യൂട് സൈനസൈറ്റിസ് ഇത് കുറച്ച് ദിവസങ്ങൾ മുതൽ 4 ആഴ്ചകൾ വരെ ഉണ്ടാകുന്നു.രണ്ടാമത്തേത് ക്രോണിക് സൈനസൈറ്റിസ് ഇത് 3 മാസത്തിൽ കുടുതൽ ഉണ്ടാകുന്നു .

ഇതുപൊതുവേ വൈറസ്, ബാക്ടീരിയ, ഫംഗസ് രോഗബാധ മൂലവും, അലർജി മൂലവുമാണ് ഉണ്ടാകാറുള്ളത്.മൂക്കിൻറെ പാലത്തിലുണ്ടാകുന്ന വളവും സൈനസൈറ്റിസിനുള്ള ഒരു പ്രധാന കാരണമായി കണക്കാക്കപ്പെടുന്നു.തലവേദനയാണ് ഇതിന്റെ പ്രധാന ലക്ഷണം. ഇൗ വേദന പ്രധാനമായും സൈനസുകളിൽ അനുഭവപ്പെടുന്നു. മാത്രമല്ല, കുനിയുമ്പോഴും, നിലത്ത് കിടക്കുമ്പോഴും ഇത് സാധാരണ കുടുന്നു. വേദന സാധാരണ തലയുടെ ഒരു വശത്തുനിന്നും തുടങ്ങി രണ്ടു വശത്തേക്കും പടരുന്നു.കട്ടി കുടിയ മൂക്കൊലിപ്പും ഇതിന്റെ ഒരു ലക്ഷണമാണ്. ഇത് പൊതുവേ പച്ച നിറത്തിലായിരിക്കും. ചിലപ്പോൾ ഇതിനൊപ്പം ചോരയും ചലവും വരാം.വിറ്റമിൻ എ ധാരാളം അടങ്ങിയ കാരറ്റ്, സ്വീറ്റ് പൊട്ടാറ്റോ, തക്കാളി,ഓറഞ്ച്, മാങ്ങ തുടങ്ങിയ ഭക്ഷണങ്ങൾ കഴിയ്ക്കുക. 

വിറ്റാമിൻ സി അടങ്ങിയ ഓറഞ്ച്, സ്‌ട്രോബെറി, പപ്പായ, ചെറുനാരങ്ങ തുടങ്ങിയവ കഴിയ്ക്കുന്നതും സൈനസൈറ്റിസ് തടയാൻ നല്ലതാണ്.മരുന്നുകൾ കൊണ്ട് തന്നെ മിക്ക സൈനസൈറ്റിസുകളും മാറ്റാവുന്നതോ, കുുറക്കാവുന്നതോ ആണ്.കൂടാതെ വൈദ്യ സഹായവും തേടുന്നത് ഉത്തമമായിരിക്കും