എലിപ്പനിയെ പ്രതിരോധിക്കാം
ലെപ്ടോസ്പൈറ ജനുസ്സിൽപ്പെട്ട ഒരിനം സ്പൈറോകീറ്റ , മനുഷ്യരിൽ ഉണ്ടാക്കുന്ന ഒരു ജന്തുജന്യരോഗമാണ് 'എലിപ്പനി'.ഈ രോഗത്തിന്റെ പ്രധാന രോഗവഹകർ എലി, കന്നുകാലികൾ, നായ , പന്നി, കുറുക്കൻ , ചിലയിനം പക്ഷികൾ എന്നിവയാണ്. മാത്രമല്ല മറ്റു ചില സസ്തനികളിലും , പക്ഷികളിലും, ഉഭയ ജീവികളിലും , ഉരഗങ്ങളിലും ലെപ്ടോസ്പിറ ബാധ ഉണ്ടാകാറുണ്ട്.' പക്ഷേ മനുഷ്യരിൽ മാത്രമാണ് രോഗ ബാധ പ്രകടമാകുന്നത്.കെട്ടിനില്ക്കുന്ന വെള്ളത്തിലൂടെ പകരുന്ന പകര്ച്ചവ്യാധിയാണ് എലിപ്പനി.മഴക്കാലത്താണ് ഈ രോഗം ഏറ്റവും കൂടുതൽ പടർന്നുപിടിക്കുന്നത്.മൃഗങ്ങളുടെയൊക്കെ മൂത്രത്തിലൂടെ എലിപ്പനിയുടെ രോഗാണുക്കള് വെള്ളത്തില് കലരും. രോഗാണുക്കള് മനുഷ്യരുടെ ശരീരത്തില് എത്തുന്നത് മുറിവുകളിലൂടെയും പോറലുകളിലൂടെയുമാണ്. ‘മുറിവേറ്റവര്’ വെള്ളത്തിലിറങ്ങി പനിപിടിച്ചു തുള്ളിയാല് അപ്പനി വെറുംപനിയല്ല. എലിപ്പനിയാവും. കെട്ടകാലത്ത് ഏതു പനിയും ആദ്യം എലിപ്പനിയായി സംശയിക്കണം. കെട്ടിനില്ക്കുന്ന വെള്ളത്തില് ഇറങ്ങുകയോ കുളിക്കുകയോ ചെയ്യരുത്. വീടും പരിസരവും വൃത്തിയാക്കുമ്പോള് കൈയ്യുറയും (ഗ്ലൗസ്) കാലുറയും ധരിക്കുക. അല്ലെങ്കില് പ്ലാസ്റ്റിക് കവറുകള് കൊണ്ട് കൈയും കാലും പൊതിയുക. ശുചീകരണ പ്രവര്ത്തനം ചെയ്യുന്നവര് ഇക്കാര്യം പ്രത്യേകം ശ്രദ്ധിക്കണം.
വീട്ടില് പിടിച്ചു വെയ്ക്കുന്ന വെള്ളത്തിലും ഭക്ഷണത്തിലും എലിമൂത്രവും വിസര്ജ്ജ്യവും കലരാത്ത രീതിയില് മൂടിവെയ്ക്കുക,തിളപ്പിച്ച ആറ്റിയതും ചൂടുള്ളതുമായ ഭക്ഷണം കഴിക്കുക,വെള്ളം ക്ലോറിനേറ്റ് ചെയ്തശേഷം മാത്രം ഉപയോഗിക്കുക മാലിന്യങ്ങള് ശരിയായ രീതിയില് സംസ്കരിക്കുക. മാലിന്യം കുന്നുകൂടുന്നത് എലികള് പെറ്റുപെരുകാന് കാരണമാകും ഇത് രോഗത്തിലേക്ക് നമ്മെ നയിക്കുകയും ചെയ്യും.
https://www.facebook.com/Malayalivartha