പുരുഷന്മാരിലെ സ്തനാർബുദം അറിയേണ്ടവ
പൊതുവെ സ്ത്രീകളിൽ കണ്ടുവരുന്ന രോഗമാണ് സ്തനാർബുദം എന്ന് പറയുന്നത്.സ്തനകോശങ്ങളിൽ അമിതമായ വളർച്ചയുണ്ടാകുമ്പോൾ സംഭവിക്കുന്ന രോഗമാണിത്.എന്നാൽ പുരുഷന്മാർക്കും സ്തനാർബുദം വരാറുണ്ട് എന്നത് ഇന്നും പലർക്കും അറിയാത്ത ഒരു കാര്യമാണ്.സ്തനാർബുദ സാധ്യത താരതമ്യേന പുരുഷന്മാരിൽ കുറവാണ് എന്നിരുന്നാലും ഇത് വരാനുള്ള സാധ്യത ഒരിക്കലും തള്ളിക്കളയാനാവില്ല.സ്ത്രീകളിലെ സ്തനാര്ബുദത്തിനു സമാനമായി പുരുഷന്മാരിലും സാധാരണ പ്രായത്തിനനുസരിച്ചാണ് സ്തനാർബുദം ഉണ്ടാകാറുള്ളത്.ബി.ആര്.സി.എ ജീനിലുണ്ടാകുന്ന മാറ്റങ്ങള്, ക്ലിന്ഫെല്റ്റര് സിന്ഡ്രോം, വൃഷണ സംബന്ധിയായ പ്രശ്നങ്ങള്, കുടുംബത്തിലെ സ്തനാര്ബുദ ചരിത്രം, അമിത മദ്യപാനത്തിലൂടേയും പുകവലിയിലൂടേയും ശരീരിക പ്രവര്ത്തനങ്ങളുടെ അപര്യാപ്തതയുടേയും ഫലമായുണ്ടാകുന്ന ഉയര്ന്ന ഈസ്ട്രജന് അളവ് എന്നിവ പുരുഷ സ്തനാര്ബുദത്തിനു കാരണമാകുന്നു.സ്തനാഗ്രത്തിനു താഴെ വേദനയില്ലാത്ത വിധത്തില് ചെറിയ വീക്കം കാണപ്പെടുന്നതാണ് പുരുഷന്മാരില് പൊതുവില് കാണുന്ന സ്തനാര്ബുദ ലക്ഷണം കൂടാതെ സ്തന ചര്മ്മത്തില് വ്രണം, ചുളിവ്, ചുവപ്പ്, തുടങ്ങിയ മാറ്റങ്ങള് സംഭവിക്കുന്നു. ഞെട്ടില് നിന്നും രക്തം വരികയും ചെയ്തേക്കാം.ബയോപ്സി ടെസ്റ്റ് വഴി സ്തനാര്ബുദ കോശങ്ങളെ തിരിച്ചറിയാണ് സാധിക്കുന്നതാണ്.
https://www.facebook.com/Malayalivartha