മഴക്കാലം കഴിഞ്ഞാൽ പിന്നെ പൊതുവെ അലട്ടുന്ന ഒരു ആരോഗ്യപ്രശ്നമാണ് പനി.ആരോഗ്യപരമായ പലപ്രശ്നങ്ങളും വന്നു കഴിഞ്ഞാൽ പിന്നെ നമ്മൾ സാധാരണ വൈദ്യ സഹായം തേടുകയാണ് പതിവ്..എന്നാൽ വൈദ്യ സഹായം തേടും മുൻപ് പ്രകൃതിദത്തമായ മാര്ഗങ്ങള് ഉപയോഗിച്ച് നോക്കാം.ചുമ, പനി എന്നിവ എപ്പോള്‍ വരുമെന്ന് പറയാന്‍ പറ്റില്ല എന്നാല്‍ ഒരു ദിവസത്തെ ഉപയോഗം കൊണ്ട് നമുക്ക് ഇതിന് പെട്ടെന്ന് പരിഹാരം കാണാം. അതിനായി വെളുത്തുള്ളിയും തേനും മിക്‌സ് ചെയ്ത് കഴിക്കാവുന്നതാണ്.ഇതിലൂടെ ശരീര താപം നമുക്ക് കുറയ്ക്കാൻ സാധിക്കുന്നു.പനി രോഗമല്ല രോഗലക്ഷണമാണ്, രോഗാണുക്കളുടെ ആക്രമണത്തെ തടയാന്‍ ശരീരം ചെയ്യുന്ന സ്വയംരക്ഷണ പ്രക്രിയയാണ് പനി എന്നുപറയുന്നത്.പനി വന്നതിനുശേഷമുള്ള തെറ്റായ ആഹാര രീതികളും ചികിത്സയും ലഘുവായ പനിയെ പിന്നീട് ടൈഫോയിഡും ജ്വരവും ആക്കിത്തീർക്കുന്നു.
നല്ല ചികിത്സയും ശുശ്രൂഷയും കൊണ്ട് പനികള്‍ സുഖപ്പെടുകയും ആരോഗ്യം പഴയതിലുമധികം കൂടുകയും ചെയ്യുന്നു. പനിയുടെ തുടക്കത്തില്‍ ഉപവാസം ഏറ്റവും ഫലപ്രദമായ ഒന്നാണ്. ശുദ്ധജലം കൂടുതലുപയോഗിക്കാം വെള്ളത്തില്‍ ചെറുനാരങ്ങയുടെ നീരും തേനും ചേര്‍ത്ത് പല പ്രാവിശ്യം കുടിക്കുന്നത് വളരെ നല്ലതാണ്. വെള്ളം മാത്രം സ്പൂണില്‍ പല പ്രാവിശ്യമായി കഴിക്കുന്നത് ശരീരത്തിന് നല്ലതാണ് . നീണ്ടു നില്‍ക്കുന്ന പനിയില്‍ ആദ്യത്തെ കുറച്ചു ദിവസത്തെ പനിയെ നവജ്വരമെന്നും തുടര്‍ന്നു പനിയെ ജീര്‍ണ്ണജ്വരമെന്നുമാണ് പറയുന്നത്, നവജ്വരസമയത്ത് കഴിക്കുന്ന ആഹാരങ്ങള്‍ ദഹിക്കാന്‍ പ്രായസമാണ്.അതുകൊണ്ട് ആ സമയത്തു ദഹിക്കാൻ പ്രയാസമുള്ള ഭക്ഷണ പദാർത്ഥങ്ങൾ പരമാവധി ഒഴിവാക്കാൻ ശ്രമിക്കുക.ദഹന ശക്തി കൂടുതൽ ഉള്ള ആഹാരങ്ങൾ കഴിക്കുന്നത് ഉത്തമം.പനിയുടെ കാരണമായി രോഗാണുവിനെ നശിപ്പിക്കുകയോ നിയന്ത്രിക്കുകയോ ചെയ്യുന്നതിലൂടെയാണ് പനിയെ പ്രതിരോധിക്കുന്നത്.നനഞ്ഞ തുണി ഉപയോഗിച്ച് ശരീരം തുടക്കുകയോ മഞ്ഞുകട്ട ശരീരത്തിൽ വയ്ക്കുകയോ ചെയ്യാവുന്നതാണ്.പനി കുറയുന്നതു വരെ ദ്രവരൂപത്തിലുള്ള ആഹാരം മാത്രം ദിവസം 3-4 നേരം വീതം നൽകുക. ഉദാ. നാരങ്ങാ വെള്ളം, കരിക്കിൻ വെള്ളം, ഓറഞ്ച് നീര് തുടങ്ങിയവ.ആദ്യം പഴച്ചാറുകളും പിന്നീട് ക്രമത്തിൽ പഴങ്ങളും സാലഡുകളും സൂപ്പുകളും നൽകാം.പനി കുറഞ്ഞു തുടങ്ങുമ്പോൾ സാവധാനം സാധാരണ ഭക്ഷണത്തിലേക്ക് മടങ്ങാവുന്നതാണ്.