സംസ്ഥാനത്ത് വീണ്ടും കൊവിഡ് 19 സ്ഥിരീകരണം; രോഗ ബാധയേൽക്കാതിരിക്കാൻ ഇക്കാര്യങ്ങൾ ശ്രദ്ധിക്കാം
പത്തനംതിട്ടയിലെ അഞ്ച് പേർക്ക് കൂടി രോഗബാധയേറ്റതോടെ സംസ്ഥാനത്ത് വീണ്ടും കൊവിഡ് 19 കേസ് സ്ഥിരീകരിച്ചിരിക്കുകയാണ് .ഇറ്റലിയിൽ നിന്നെത്തിയ മൂന്ന് പേര്ക്കും അവരുടെ രണ്ട് ബന്ധുക്കൾക്കുമാണ് രോഗം സ്ഥിരീകരിച്ചത്. ഇത് സംബന്ധിച്ച് ആരോഗ്യമന്ത്രി കെ കെ ശൈലജ ഔദ്യോഗിക പ്രഖ്യാപനം നടത്തിയിരുന്നു. റാന്നി ഐത്തല സ്വദേശികള്ക്കാണ് വൈറസ് ബാധ സ്ഥിരീകരിച്ചിരിക്കുന്നത്. രോഗം സ്ഥിരീകരിച്ച അഞ്ച് പേരില് മൂന്നുപേർ ഇറ്റലിയില് നിന്നെത്തിയവരാണ് . ഫെബ്രുവരി 29 നാണ് ഇവര് ഇറ്റലിയിൽ നിന്ന് എത്തിയത്.
ഏകദേശം അറുപതു വർഷം മാത്രം പഴക്കമുള്ള ഒരു വൈറസാണ് കൊറോണ വൈറസ്. ആദ്യകാലത്ത് വളരെ സാധാരണ പനിയുടെ രൂപത്തിലായിരുന്നു തുടങ്ങിയത്. പിന്നീട് കടുത്ത ശ്വാസകോശ അണുബാധയുടെ രൂപത്തിൽ പ്രത്യക്ഷപ്പെടാൻ തുടങ്ങി. ചുമ, പനി, ന്യുമോണിയ, ശ്വാസതടസ്സം, ഛർദി, വയറിളക്കം തുടങ്ങിയവയാണ് കൊറോണ വൈറസ് ബാധയുടെ ലക്ഷണങ്ങൾ. കൊവിഡ് 19ൽ നിന്ന് രക്ഷനേടാൻ എടുക്കാം ചില മുൻകരുതലുകൾ ഏവർക്കും സ്വീകരിക്കാം.
കൈകൾ ഇടയ്ക്കിടയ്ക്ക് ശുചിയായി കഴുകുക,വൈറസ് ബാധിത പ്രദേശങ്ങളിലൂടെ യാത്ര ഒഴിവാക്കുക, അനാവശ്യമായ ആശുപത്രി സന്ദർശനങ്ങൾ ഒഴിവാക്കുക, സന്ദര്ശിക്കുന്നുണ്ടെങ്കിൽത്തന്നെ മാസ്ക് ധരിക്കുക. കണ്ണിലോ മൂക്കിലോ വായിലോ കഴുകാത്ത കൈകൊണ്ട് തൊടരുത്. പലയാവർത്തി കൈകൾ സോപ്പ് ഉപയോഗിച്ച് വൃത്തിയായി കഴുകുന്നത് ശീലമാക്കുക. കുറഞ്ഞത് 20 സെക്കന്ഡ് എങ്കിലും കൈകള് ഉരച്ചു കഴുകണം. പറ്റുമെങ്കില് ആള്ക്കഹോള് ബേസ്ഡ് സാനിറ്റൈസര് ഉപയോഗിക്കുക.ചുമയ്ക്കുകയോ തുമ്മുകയോ ചെയ്യുമ്പോൾ മൂക്കും വായയും മറച്ചു പിടിക്കുക. ചുമയ്ക്കുമ്പോഴും തുമ്മുമ്പോഴും മറ്റൊരാളുടെയോ മറ്റു വസ്തുക്കളുടെയോ നേർക്കു ആവരുത് എന്നും ശ്രദ്ധിക്കുക.
https://www.facebook.com/Malayalivartha