കൊറോണ വൈറസ് ബാധിച്ചിട്ടുണ്ടോ എന്ന് നിർണയിക്കാനുള്ള പരിശോധനയിൽ രക്ത പരിശോധന ഉൾപ്പെടുന്നില്ല. വൈറസ് ബാധ ഉണ്ടോ എന്ന് തിരിച്ചറിയാൻ തൊണ്ടയിൽ നിന്നോ മൂക്കിൽ നിന്നോ സാമ്പിൾ എടുത്ത് പരിശോധിക്കുകയാണ് ഇവിടെ ചെയ്യുന്നത്.

ഈ ഭാഗത്തു നിന്ന് സാമ്പിൾ ശേഖരിച്ച ശേഷം നോഡൽ ആശുപത്രീകളിലെ ആരോഗ്യ വിദഗ്ധർ നിങ്ങളുടെ ആരോഗ്യം തൃപ്തികരമാണോ എന്ന് പരിശോധിക്കുകയും, അതിന് ശേഷം ആശുപത്രിയിൽ അഡ്മിറ്റ് ചെയ്യണ്ടതുണ്ടോ എന്ന് നിശ്ചയിക്കുകയും ചെയ്യും.

അതല്ലെങ്കിൽ സ്വന്തം വീടുകളിൽ സ്വയം ഐസൊലേറ്റ് ചെയ്ത് പ്രതിരോധിക്കാൻ ആവശ്യമായ നിർദ്ദേശങ്ങൾ നൽകുകയും ചെയ്യാം. പരിശോധനയിൽ പോസിറ്റീവ് ആണ് എന്ന് വ്യക്തമായാൽ, നിങ്ങള്‍ രോഗം സുഖപ്പെടുന്നത് വരെ കുറഞ്ഞത് 14 ദിവസത്തേക്കെങ്കിലും ക്വാറന്റൈനിൽ തുടരേണ്ടതുണ്ട്.

ഇന്ത്യയിൽ കോവിഡ് -19 പരിശോധന നടത്തണമെങ്കിൽ കേന്ദ്ര ആരോഗ്യ മന്ത്രാലയത്തിന്റെ ഇരുപത്തിനാല് മണിക്കൂറും പ്രവർത്തിക്കുന്ന 01123978046 എന്ന ഹെൽപ്പ്ലൈൻ നമ്പറിലേക്ക് വിളിക്കാവുന്നതാണ് :. നിങ്ങളുടെ സംശയങ്ങൾ ncov2019@gmail.com ൽ മെയിൽ ചെയ്യാനും സാധിക്കുന്നതാണ്.

ജില്ലാ നിരീക്ഷണ ഉദ്യോഗസ്ഥർ ഉടൻ തന്നെ നിങ്ങളെ സന്ദർശിക്കും, അണുബാധയ്ക്കുള്ള സാധ്യതകൾ കൂടുതലാണെങ്കിൽ, പരിശോധനയ്ക്കായി നിങ്ങളെ ഒരു നിയുക്ത ആശുപത്രിയിലേക്ക് കൊണ്ടുപോകാം. സംശയാസ്പദമായ കേസുകളിൽ ആളുകളെ കൊണ്ടുപോകുന്നതിനായി സർക്കാർ പ്രത്യേക ആംബുലൻസുകൾ നിയോഗിച്ചിട്ടുണ്ട്. പൊതുഗതാഗതം ഈ സമയത്ത് ഉപയോഗിക്കുവാൻ പാടുള്ളതല്ല എന്നത് പ്രത്യേകം ഓർമ്മിക്കുക.