ഇന്ത്യയുടെ അഭിമാനമായി കൊവിഡ് വാക്സിൻ പുറത്തിറങ്ങുമെന്ന് ഐസിഎംആ‍ര്‍ പ്രതീക്ഷ നൽകുന്നു. വരുന്ന സ്വാതന്ത്ര്യദിനത്തിൽ കൊവിഡ്-19 വാക്സിൻ പൊതുജനങ്ങൾക്ക് ലഭ്യമാക്കാനല്ല ശ്രമണങ്ങളാണ് ഐസിഎംആർ നടത്തുന്നത്

ഇന്ത്യൻ കൗൺസിൽ ഓഫ് മെഡിക്കൽ റിസർച്ചും (ഐസിഎംആർ) ഭാരത് ബയോടെക് ഇന്റർനാഷണൽ ലിമിറ്റഡും (ബിബിഎൽ) സംയുക്തമായി എത്രയും പെട്ടെന്ന് മരുന്ന് ലഭ്യമാക്കാനുള്ള ശ്രമത്തിലാണ് . ആഗസ്റ്റ് 15 നകം വാക്സിൻ പുറത്തിറക്കുമെന്നാണ് റിപ്പോർട്ട്. ഇതിന് ആവശ്യമായ ക്ലിനിക്കൽ പരീക്ഷണങ്ങളും നടന്നു വരികയാണ്

മനുഷ്യരിൽ പരീക്ഷണം നടത്തുന്നതിനായി ഐസിഎംആർ 12 സ്ഥാപനങ്ങളെ തെരഞ്ഞെടുത്തിട്ടുണ്ട്. എല്ലാ ക്ലിനിക്കൽ പരീക്ഷണങ്ങളും പൂർത്തിയാക്കിയ ശേഷം 2020 ഓഗസ്റ്റ് 15 നകം വാക്സിന്‍ പുറത്തിറക്കാന്‍ സാധിക്കുമെന്നാണ് ക്ലിനിക്കൽ ട്രയൽ നടത്താന്‍ തെരഞ്ഞെടുത്ത ഒരു സ്ഥാപനത്തിന് അയച്ച കത്തില്‍ ഐസിഎംആ‍ര്‍ വ്യക്തമാക്കുന്നത്.

എല്ലാ ക്ലിനിക്കൽ ട്രയൽ സൈറ്റുകളുടെയും സഹകരണത്തോടെ മാത്രമേ വാക്സിന്‍ പുറത്തിറക്കാന്‍ സാധിക്കുകയുള്ളു എന്നും ഐസിഎംആ‍ര്‍ കത്തില്‍ വ്യക്തമാക്കുന്നുണ്ട് .