മസ്തിഷ്‌ക മരണം സംഭവിച്ച മനുഷ്യനില്‍ പന്നിയുടെ വൃക്ക;പുതു ചരിത്രം കുറിച്ച് ന്യൂയോര്‍ക്കിലെ ഡോക്ടര്‍മാര്‍,ഒരു മാസമായി വൃക്ക ശരിയായി പ്രവര്‍ത്തിക്കുന്നുണ്ട്,ഇത് നിര്‍ണായക ചുവടുവെപ്പെന്ന് ഡോക്ടര്‍മാര്‍
ആധുനിക ചികിത്സാ രംഗത്ത് പുതുചരിത്രം രചിച്ച് ന്യൂയോര്‍ക്കിലെ ഒരു സംഘം ഡോക്ടര്‍മാര്‍. ജനിതക മാറ്റം വരുത്തിയ പന്നിയുടെ വൃക്കയാണ് മസ്തിഷ്‌ക മരണം സംഭവിച്ച മനുഷ്യനില്‍ ഡോക്ടര്‍മാര്‍ മാറ്റിവച്ചു . ന്യൂയോര്‍ക്കിലെ ലാങ്കോണ്‍ ഹെല്‍ത്തിലെ സര്‍ജറി വിഭാഗത്തിന്റെ പ്രഫസറും ചെയര്‍മാനുമായ റോബര്‍ട്ട് മോണ്ട്‌ഗോമറിയുടെ നേതൃത്വത്തിലായിരുന്നു ശസ്ത്രക്രിയ. ജീവിച്ചിരിക്കുന്ന രോഗികളില്‍ നടത്താനുള്ള ഓപ്പറേഷനിലേക്കുള്ള നിര്‍ണായക ചുവടുവെപ്പാണിത്. വെന്റിലേറ്റര്‍ പിന്തുണയില്‍ 32 ദിവസത്തിന് ശേഷവും ഹൃദയമിടിപ്പ് നിലനിര്‍ത്തിയിരുന്ന 57 കാരനായ മൗറിസ് മില്ലറിലാണ് ജനിതകമാറ്റം വരുത്തിയ പന്നിയുടെ വൃക്ക മാറ്റിവെച്ചത്.
കഴിഞ്ഞ മാസം 14 നായിരുന്നു ശസ്ത്രക്രിയ. ഒരു മാസമായി വൃക്ക ശരിയായി പ്രവര്‍ത്തിക്കുന്നുണ്ട്. രണ്ട് മാസത്തേക്ക് കൂടി അതിന്റെ പ്രവര്‍ത്തനം നിരീക്ഷിക്കുമെന്നും ഡോ. മോണ്ട്‌ഗോമറി പറഞ്ഞു. 'ഈ അവയവം ശരിക്കും ഒരു മനുഷ്യാവയവം പോലെ പ്രവര്‍ത്തിക്കുകയാണ് ഇതുവരെ അത് അങ്ങനെയാണ് കാണപ്പെടുന്നത്, ' ഡോ. റോബര്‍ട്ട് മോണ്ട്‌ഗോമറി പറഞ്ഞു. മൗറിസിന്റെ വൃക്കയ്ക്ക് പകരം ജനിതകമാറ്റം വരുത്തിയ പന്നിയില്‍ നിന്ന് ഒരൊറ്റ വൃക്ക മാറ്റി വച്ചു . അത് ഉടനടി പ്രവര്‍ത്തിക്കാനും ആരംഭിച്ചു.
ഇത് തന്റെ സഹോദരന്‍ ആഗ്രഹിക്കുന്നതാണെന്ന് താന്‍ മനസ്സിലാക്കുന്നു..താന്‍ സഹോദരനെ അവര്‍ക്ക് കൊടുക്കുന്നു... അവന്‍ ഇനി മെഡിക്കല്‍ പുസ്തകങ്ങളില്‍ ഉള്‍പ്പെടും, എന്നേക്കും ജീവിക്കും എന്ന് മൗറിസ് മില്ലറിന്റെ സഹോദരി മേരി മില്ലര്‍ഡഫ് പറഞ്ഞു..ഒപ്പം രാജ്യത്തിന്റെ അവയവദാനത്തിന്റെ ഉയര്‍ന്ന ആവശ്യം നിറവേറ്റാനുള്ള ശ്രമത്തിന് ഇത് പ്രോത്സാഹജനകമായ വാര്‍ത്തയാണ്.
https://www.facebook.com/Malayalivartha
