കിടക്കുന്നതിന് മുന്‍പ് ഒരു ഗ്ലാസ് ചൂട് പാല്‍ കുടിക്കുന്നത് വെറുതെയല്ല.... ഒടുവില്‍ അമേരിക്കക്കാരും സമ്മതിച്ചു
കിടക്കുന്നതിന് മുന്‍പായി ഒരു ഗ്ലാസ് ചൂട് പാല്‍ കുടിക്കുന്നത് ഇന്ത്യക്കാരുടെ പതിവാണ്. കിടക്കുന്നതിന് മുന്‍പേ ചൂട് പാല്‍ കുടിക്കുന്നതിലൂടെ ഒരാള്‍ക്ക് നല്ല ഉറക്കം ലഭിക്കുമെന്നാണ് പറയുന്നത്. ഇപ്പോള്‍ കിടക്കുന്നതിന് മുന്‍പ് പാല്‍ കുടിക്കുന്നതിന്റെ ആരോഗ്യ ഗുണം ഒടുവില്‍ അമേരിക്കക്കാരും മനസിലാക്കിയിരിക്കുകയാണ്. അമേരിക്കന്‍ കെമിക്കല്‍ സൊസൈറ്റിയുടെ ജേര്‍ണല്‍ ഓഫ് അഗ്രികള്‍ച്ചറല്‍ ആന്‍ഡ് ഫുഡ് കെമിസ്ട്രിയില്‍ പ്രസിദ്ധീകരിച്ച പഠനമാണ് പാലിന്റെ ഈ ഗുണത്തെ കുറിച്ച് വ്യക്തമാക്കുന്നത്. ഉറക്കകുറവുള്ളവര്‍ക്ക് പ്രകൃതിദത്തമായി അത് വീണ്ടെടുക്കാനുള്ള ഉത്തമ മാര്‍ഗം കൂടിയാണ് രാത്രിയിലെ പാലു കുടി.
യുഎസ് സെന്റര്‍സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ അനുസരിച്ച് അമേരിക്കയില്‍ മുതിര്‍ന്നവരില്‍ മൂന്നിലൊന്ന് പേര്‍ക്കും മതിയായ ഉറക്കം ലഭിക്കുന്നില്ല. ഉറക്കകുറവുള്ളവര്‍ കൂടുതലായും ബെന്‍സോഡിയാസെപൈന്‍സ്, സോള്‍പിഡെം തുടങ്ങിയവ ഉപയോഗിക്കുന്നതായും കണ്ടെത്തിയിരുന്നു. പാര്‍ശ്വഫലങ്ങളുള്ളതും, സ്ഥിരമായി ഉപയോഗിച്ചാല്‍ അഡിക്ടാവുന്നതുമായ മരുന്നുകളാണ് ഇവ.
https://www.facebook.com/Malayalivartha
