നിത്യവിശുദ്ധയായ കന്യാമറിയത്തിന്റേയും പുത്രന്റേയും നാമത്താല്‍ ലോക ശ്രദ്ധ നേടിയ പള്ളിയാണ്‌ വേളാങ്കണ്ണി. ക്രൈസ്‌തവര്‍ക്കെന്ന പോലെ മറ്റ്‌ മതസ്ഥര്‍ക്കര്‍ക്കും വേളാങ്കണ്ണി എന്നും അഭയം തന്നെയാണ്‌. ഭാരതത്തിലെ തന്നെ ഏറ്റവും പ്രധാനപ്പട്ട തീര്‍ത്ഥാടന കേന്ദ്രങ്ങളില്‍ ഒന്നുകൂടിയാണ്‌ വേളാങ്കണ്ണി. തമിഴ്‌നാട്ടിലെ നാഗപട്ടണം ജില്ലയിലെ വേളാങ്കണ്ണി എന്ന ചെറിയ പട്ടണത്തിലാണ്‌ വേളാങ്കണ്ണി പളള്ളി സ്ഥിതി ചെയ്യുന്നത്‌. ആരോഗ്യ മാതാ ദേവാലയമായാണ്‌ ഇതറിയപ്പെടുന്നത്‌. പതിനാറാം ശതകത്തിലാണ്‌ വേളാങ്കണ്ണി പള്ളി സ്ഥാപിച്ചത്‌. 1962ല്‍ മാര്‍പ്പാപ്പ ഈ പള്ളിയെ ബസലിക്കയാക്കി ഉയര്‍ത്തി. Basilica of Our Lady of Good Health എന്നാണ്‌ വേളാങ്കണ്ണി പള്ളി അറിയപ്പെടുന്നത്‌.
അശരണര്‍ക്കും ആലംബഹീനര്‍ക്കും എന്നും അഭയമാണ്‌ വേളാങ്കണ്ണി മാതാവ്‌. രാജ്യത്തിനകത്തും പുറത്തുനിന്നുമായി വര്‍ഷം മുഴുവനും വിശ്വാസികളെത്താറുണ്ട്‌. എങ്കിലും സെപ്‌തംബര്‍ മാസത്തിലെ എട്ടു നോമ്പ്‌ പെരുനാളിനാണ്‌ ഏറ്റവുമധികം ആള്‍ക്കാരെത്തുന്നത്‌.
തിരുവനന്തപുരത്തു നിന്നും 399 കിലോമീറ്റര്‍ അകലെയാണ്‌ വേളാങ്കണ്ണി. ബസിലും, ട്രെയിനിലും വേളാങ്കണ്ണിയിലെത്താം. തിരിച്ചിറപ്പള്ളിയില്‍ നിന്നും വേളാങ്കണ്ണിയിലേക്ക്‌ നേരിട്ട്‌ ബസ്‌ സര്‍വ്വീസുണ്ട്‌. തിരുവരൂരാണ്‌ ഏറ്റവും അടുത്തുള്ള റെയില്‍വേ സ്റ്റേഷന്‍. അവിടെ നിന്ന്‌ വേളാങ്കണ്ണിയിലെത്താന്‍ 40 കിലോ മീറ്റര്‍ വീണ്ടും യാത്ര ചെയ്യണം.